［Live］出發去台北

十點鐘起飛，而家坐係架機上面
離開香港玩幾日，有無巴絲想睇直播？

去邊度玩呀

單機去？

無

留名，影多d野食相分享下

落機了講講岩岩程機先
搭國泰班機，一起飛無耐好快就派飛機餐，
今日早餐係叉燒包同埋一塊餅仲有一包野飲，
係唔好食既

同時都睇下戲咁啦，不過好少新戲
又或者唔岩我口味啦，最後是但揀左套古天樂既戲黎睇，
但航程太短都睇唔哂，唯有分開下半part回程再睇
落機後去左拎sim卡，同埋atm禁錢，過程都順利。
而家係機場捷運坐緊去西門町了，今次旅程book左abnb，不過三點鐘先check in得，所以到西門町前應該會去台北車站地下街鳩行下先。


岩岩落機未有野影，遲d會多d圖

同埋捷運而家隔離坐左兩個韓妹好鬼靚女

重點行程會係浸溫泉當然仲有好多精彩項目

留名

同連登仔一齊去

我出緊發去台中 過兩日先黎台北 睇下撞唔撞到樓主

今日台北天氣麻麻
landing果陣要穿過好大舊烏雲，
落到地面仲落埋雨，
唔知到時你黎到會唔會好D呢

星期六到台北 樓主有興夜晚可以一齊去飲／蒲

不了

係機場捷運落車之後，喺台北車站地下街行左一陣，
嗰度條路好大好長，大到行唔晒，
不過啲嘢都係普通野冇乜好睇。
因為本身都想快啲去西門町，
所以好快就走左去搭捷運啦。

西門町係呢幾晚我住嘅地方，比大家睇下啦


個廳同廁所都滿意，地方都大既
有位放下野仲有張書台咁。

放完行李落左街，食左個好出名個和牛粒
都幾好食，今晚會再買。


而家留一留肚，去上引水產，
雖然我都唔係好想黎台灣但食日本野
但得番半日而想去既地方去唔到，所以唯有去行下。
不過而家都三點幾去到應該四點，希望到時仲有野食，
未賣哂啦。

和牛粒係邊間 幾吸引

上引 祝你好運， 我覺得好普通

間房幾靚喎 邊間黎

呢間，上網睇同埋西門町現場睇其實一街都係
食完咁耐到而家嗝氣都係成浸牛味

遲d俾名你，屋主話唔好同人講

我岩岩琴晚由台北番黎
和牛粒我沒食

邊度和牛
呢D骰仔牛全部都係標榜安格斯牛
實質全部都係合成牛既辣殺

西門町公仔店有保夾個D 咩咩二代 好難甩爪 預左保夾先夾到
反而沒保夾個D 好易夾

街邊野食係咁架啦邊夠老闆你識食

咁可惜一間都見唔到咩

應該唔夾啦，夾黎對我黎講都無9用

去完上引水產，其實真係街市黎，好細無乜野行。
可能係遲咗去嘅關係，冇晒海膽賣，少少失望，
求其買咗啲其他嘢食，有帶子串燒，
生蠔，蟹，壽司拼盤

串燒同蟹都係一般貨色，唔多好食，
我本身鍾意食生蠔，所以都OK，
跟住飽飽地所以將個壽司拼盤拎咗返屋企食。
但真係好撚難食，而家有一半唔想再食。



呢度5:00就開始天黑，依家6:30但個天已經黑晒，
而家坐喺床上面抖多陣，陣間應該會落去按摩鬆一鬆，
然後再喺西門町買啲宵夜，咁就係第一天了。