我係一個Call4Van貨Van司機 有野想同大家講

我知道大家好支持Call4Van
我亦都係其中一個司機
非常感謝大家支持呢個良心既Apps
我地都好樂意接載大家運貨
段文有D長 希望大家睇完幫推
最基本果樣野
Call4Van手機程式係一個收費既客貨車召喚程式
Telegram既Call4Van 係一班司機既義載團隊
兩樣唔同既野黎 希望大家分好先
雖然好多貨van司機都係TG既義載成員 不過總有人係冇幫過手
記住唔好Call貨van 上車後再問有冇車過前線
我係唔會答你任何呢類既問題
你上車後同你論下政都OK

客觀咁睇
現時既單量已經開始回落
我琴日係大西北等左三四個鐘都冇一張單
不過我都係對香港人有信心
以前做得唔好 日後我地會改同做得更好
不過同樣地請大家留意一下call車要注意既事項

首先Call4Van係絕對比POPOVAN貴
因為方丈係幫司機爭取合理既收入
我相信香港人絕對唔會對果個相差對比有所意見
不過一定要同大家清楚咁講明先

第二樣野我車過好多客
佢地坐完都好想留起我電話同我聯絡
日後能夠call返我
我每次都同客講
希望大家能夠用APPS預約
唔係我唔想車或者唔想搵錢
而係呢個係一個黃色經濟圈
唔係黃色水泡
有好多司機由五年前已經有出力幫手
搵錢就齊齊搵 我唔想個個都有出力 但係一個食哂
獨食難肥
希望大家每次call車都係由app去call

第三係想同大家講每次即時既call車
系統係會搵最近既司機或者係果區等左最耐既司機接先時間係會耐D
因為頭段時間 唔會出去公海比全部司機睇到
到某一定既時間先會發到出公海

第四樣係希望大家教教長輩用apps
因為我接過一張單 係老人家佢好支持我地
不過 佢真係唔識禁APPS 起點同目的地都禁錯
仲要冇禁到佢係要幫搬 同要借手推車仔
我雖然好想幫呢個老人家
不過我部手推車仔係中大運貨 運左成兩日運到爛左
我仲未搵到二手車仔 放係車
所以只可以幫佢取消張單 叫佢再落過單比其他師兄接
請大家教教長輩用apps

第五樣野係希望大家清楚知道
冇貨冇物品 我地係唔會車
19政府既指引係
『如乘客可以自攜該物品乘坐公共交通工具，便不應該租用輕型貨車。』
有好多野都唔可以坐公共交通工具
例如：巴士只准攜帶總體積不超過十份一立方米及總重量不超逾五公斤、不含危險性或厭惡性之物件上車。
請自行想像
大家記住守規矩 冇貨唔好Call車 有貨就講有貨


最後一樣係我個人希望大家
我知道大家都好想比貼士 少量既貼士都可接受
但試過有客人直頭想比車程既一半做貼士
我希望大家收返起佢
我情願你留返起個貼士 留返下一次再call車
因為貼士就我收 隔黎既手足同師兄就等緊單
而大家一樣都有出錢出力
我一直都只係希望自己做幾多野收幾多錢

以上只係我個人既感受同分享
唔代表全部司機同方仗既立場

所有元朗人即刻走！走唔到留室內！流浮山有200刀手落緊元朗！

1404: 唔好問source啦，黑社會內訌，黑吃黑，唔想傷及無辜即刻走

1408: 一手source，唔好再問真唔真

小編B字

推

嗌親都嗌call4van

行家，支持

支持

雖然唔係成日call車 但dl定先

我旺角區11點鐘左右反而call 幾個字先有車

利：平均一星期call 一次van 仔

想加入call4van 都入唔到😂

Down 左

上次咁岩去機場要運d野都揀左call4van
雖然架車不及烏把個d舒服
但一定要支持call4van同班司機

我用開Gogo van，係時候改變自己

呢樣我都搏唔到
不過我自己都因為驚果晚出事
所以我係有去元朗係咁兜圈

我部車長時間有箱水
同生理鹽水大支及細支各一箱
係香港呢段時期
隨時都係會放低所有既工作入戰區幫手

已由用GOGOVAN轉左用call4Van

不過gogovan真心平同方便，但而家呢個時候用得開心最緊要

推

可以提示下有D咩算係"貨物"?
Bb車or 一/幾大個環保袋既野又得唔得？
真心問 不喜勿插

算啦都係擔心手足

Gogo 係快同平啲，但call4van有良心

好波