好撚柒多伸手黨， 盲毛
而家嘗試整合， 整合完唔撚睇仲要串柒柒嘅自己單機啦
簡介
美森，英森， 德森，日森 = 唔同國家嘅Amazon
美，德，日，英都已經開始做緊BLACK FRIDAY COUNTDOWN SALE
唔好再問開始咗未， 29號先係， 點解你想要嘅嘢冇折，係咪未開始
因為日日SALE 嘅貨都會唔同， 年年特價嘅貨都唔同
唔好再問點解上年WIGGLE UB 有折今年又咁貴
你要等到29號先買隨便你
而家美森做緊USD 49 免運費直送香港
除咗Amazon， Bestbuy ， Walmart， Macy
好多大型外國品牌百貨都會做BF SALE，有無直送、用唔用到集運又係另一回事
無論咩網， 總之寫住NOT SHIPPING TO HK， 你就要集運
因為你肯俾運費諗住直送香港佢都唔撚送
至於用咩集運邊間好，自己Google， 流程大約都係做會員， 集運會俾當地地址你， 你填完資料送去當地地址，佢儲埋一堆就會送香港， 集運一般講緊1-3星期， 自己決定用邊間
唔好再問直唔直送， 係咪要集運， 你CHECKOUT 俾錢前填香港地址佢唔撚俾你咪要集運囉
電器篇
麻煩盡量去英國，澳洲(29號先開始)AMAZON 睇
香港用緊220V 一般小型家電(直髮夾， 手機充電器，Kindle...etc)有配國際通用火牛(110V-240V) 就可以直接用轉插(2腳轉3腳)喺香港用
至於大型少少家電 例如 電視， 咖啡機， 自己睇電壓
唔想煩嘅直接去英森，澳森買， 香港一插就可以即用
DYSON 吸塵機國際電壓，加個轉插就得，風筒風扇唔係
一般外國買嘅電子產品香港係無保養
APPLE 產品會包國際保嘅只有唔插SIM 卡嘅產品 (例如 IPAD WIFI 版)
格價
歷史價插件 (Chrome Extension)推薦：CAMELCAMELCAMEL、keepa.com，仲有香港嘅Price.COM
咪撚再問平唔平抵唔抵
Subscribe篇
以上圖為例， Subscribe 咗呢間賣家可以即時享有5% discount， 基本上你買完即刻取消返就得
由於賣家好想你定時定候都買佢啲貨， 所以你可以揀埋REPEAT DELIVERY
嚟拎多10% DISCOUNT， 同樣你買完俾完錢即刻取消返都得
基本上你按多兩個制就再平D， 何樂而不為?
但注意唔係件件貨個個賣家都有呢個功能， 麻煩大家注意吓
至於點取消，自己去返自己個ACCOUNT SETTING 搵，連呢樣都要教埋你你咪撚網購
暫時係咁多
