我細個係典型”喊包”
到而家大左偶爾都會因為一啲連自己都覺得好小既事喊
同埋一喊就難以控制自己情緒 會收唔到掣
最令我困擾既係次次同屋企人衝突
明明自己好嬲 而道理喺自己嗰到
但永遠未開口為自己解釋、辯護就已經喊緊
一喊就野都講唔到 即刻輸曬
呢個情況間中對朋友都有出現
覺得自己不可理喻、冇骨氣又弱咁
事緣呢兩日發生左唔同事所以都有喊
突然想了解吓點解自己由細到大比起大部分人都好易喊
於是我就上網揾下係咩原因
結果一搜尋就出現”高敏感族”呢個term
我覺得呢個網站解釋得幾好
https://www.google.com.hk/amp/s/www.thenewslens.com/amparticle/78774
(能用以測試既量表)
https://www.suncolor.com.tw/event/books/highlysensitive/quiz.html
“高敏感族”可以簡單解釋為:
你很容易察覺到別人/自己的情緒與想法，以及周遭環境、大自然、藝術、音樂、以及所有你接觸到的所有東西。
佢提到既特徵同自己好似
根據艾融博士(呢個term既發明人)描述，高敏感族好容易因為環境的刺激而疲憊不堪。像是強光、氣味、噪音、或是粗糙的質地。而所有不舒服的感覺都會被放大。我們很容易遲疑、退卻、從太多刺激的環境中逃走；
我們對於短時間要應付很多事感到煩躁；我們痛恨犯錯；我們很容易後悔；我們很容易被別人的情緒影響；很容易發現環境的微小改變；不喜歡暴力電影；不喜歡在別人的監看之下工作……基本上，我們在意所有的事。這也是為什麼我們常常覺得疲憊，覺得難以承受。
亦有普遍特徵:
「有良知的」、「很有創意」、「容易獲得靈感」、「容易受他人影響」、「很有同情心」
除左情緒敏感、富同理心、易喊之外
我覺得大部分特徵都同自己好吻合
例如對聲音異常敏感
自己對少少雜音都極敏感 會覺得好心煩、難以專注
例如風扇運行有少少聲 或者釘喺板上既紙俾風吹起少少而形成既聲
都會令我難以忍受要即刻去處理
就算瞓緊覺都會起身去搞
而做正經事時就會更嚴重
另外自己對巨響會有一種恐懼既感覺 會覺得好不安、心慌
例如次次睇戲都會好驚(任何類型既戲)
之前仲會為左減輕音量 專登戴住耳機嚟睇
又例如自己勁驚痛
男人老狗驚打針到會喺打之前已經喊緊不在話下
我係嚴重到會因為電視播推廣接種疫苗既片而驚
會感同身受 有種難以形容既感覺(非生理上既痛)
而自己亦喺藝術市場方面發展
個人靈感較多 鍾意思考、想像
基本上 自己同高敏感族既特徵幾乎完全吻合
(我做個test有成129分 睇到嗰陣嚇都嚇
60分以上已屬屬高敏感族)
因為驚係自己ff 懶係心理分析將自己一啲好普遍既性格行為放大 諗到自己好異於常人咁
所以想上嚟問下有冇同路人都有呢啲特徵
可唔可以分享、交流下睇法
而最緊要既係點樣可以緩解易喊呢個問題
打左好耐...
對睇到呢到既你地表示萬分感激
如有1999 在此致歉
我覺得自己好似