請問有冇白蝕巴絲⋯

好驚 自從壓力大又長期捱夜
幾個月前見到手腳一撻撻白斑
一直都冇理到 但前幾日沖涼
見到自己心口同塊面都有
應該搵邊個醫生檢查下？
有冇皮膚科醫生介紹？
同埋我係學生，應該要預budget幾多？

上網睇冇得救，愈來愈唔開心同驚，
d 白色就好似愈來愈多

首先 影張相嚟睇睇，同埋係咩部位有？
好多人誤會混淆咗 白蝕 和 汗班

同埋你睇過醫生未？
最好睇西醫確診係咩病先，通常佢會叫你做埋驗血(千零蚊左右)確定你身體有無咩毛病，如果只係汗班，咁就易搞好多，但如果係白蝕就要有心理準備要長期對抗。

白蝕的成因係好難確診，西醫通常都係用排除法
1)遺傳
醫生會問你，你的家族有沒人生過白蝕？
如果你家族有人有白蝕，好大機會係遺傳

2)免疫系統失調
呢個就好麻煩，免疫系統失調係醫學上仲係不明，壓力大啊都可能會引致免疫系統失調，所以好難搵得中個來源解決。

如果真係白蝕，佢會俾啲類固醇你抺患處，但如果抺左無效，佢通常唔建議病人再抺落去，因為類固醇有副作用。

以我啲經驗，中醫就煩啲，我去個間中醫係以前高登巴打介紹俾我既，食藥好貴，$900一劑 7日藥 每日都要煲嚟飲，我飲左四個月，每次返去覆診醫生都話退緊，但我完全唔認為有效就放棄咗

所以睇中醫真係睇運氣不停試，你要有心理(其實都係金錢)準備，
以上價錢係十年前，依家價錢變動咗幾多就唔知。

我想後日去睇，我覺得唔會係汗斑因為成日沖涼洗臉，每次發起都係壓力好大連續幾日捱夜既時候，同埋覺得自己有焦慮症有機會係免疫系統失調，因為之前讀書好chur自己唔比自己訓，不停飲咖啡做野，每日訓三個鐘，之後近排其實唔只有白蝕症狀，有埋其他毛病，例如肌肉不受控咁跳動如果有得驗血都想，係咪搵皮膚專科就可以？

唔影上黎睇下係咪真白蝕定汗斑

有
心口一大撻
睇西醫無用
睇中醫次次話退緊（停咗4個月先覆診都可以話退咗）
發現要早瞓、心情好同有運動習慣（一星期2次都夠）就會慢慢好

而家開始細撻返

係咪睇普通中醫就可以？你好好彩啊我上網睇好多人話冇得救 想問下係咪照樣可以食重維他命c既野？因爲爬文話會有影響 加重白蝕病情但我⋯

你可以試下睇梁守中醫生，佢好有經驗，我白蝕係生係面度，睇左幾次佢評估過，比左類固醇我查，依家開始有返d 黑字素點點生返出黎，但係就佢講到明 .d色素既野要返返黎唔係咁易，要心理準備好耐好耐，要平常心。但講明先，佢睇一次要千幾蚊，初期要睇一兩次評估左個病情先，之後可以隔耐d再睇

你地平時會唔會塗防曬？
長期曬住係咪會有影響？
我以前睇過西醫佢話我唔係白蝕
但係我到依家仲未好返

其實中醫角度，白蝕出現係因為你身體營養唔夠，所以佢地都傾向開補身嘅藥畀你補返足營養

咁所以我就試下唔飲藥，保持住良好生活習慣，見到真係有好轉
但當然有排一夜瞓返又開始白返（無變大，但白咗）

重維他命c我無掂呀，因為我都有上網睇到，同埋我中醫都叫我唔好
反而要食多啲黑芝麻

防曬就算有無白蝕都應該要搽

一點訓算唔算夜

其實算

畀你參考下
我7、8月嗰陣因為好忙
所以日日12點就瞓覺
就真係明顯好轉

8月尾忙完大解放咁 日日成4點先瞓
白返

而家1-2先瞓 無差到無好到

好 我試下早啲訓先

肯撚定有得救
讀書時兩個有白蝕既女同學, 而家都完全冇問題仲好靚

加油呀！最緊要保持好心情

啊～～～你地好好人
呢幾日早訓左好似冇咁白啦 雖然都係有個印
提早過養老生活

無擴散 有一撻越來越細撻