琴日 好彩發夢 好彩唔係真
琴日你有份係彌敦道發夢嘅 同我睇哂篇野先好出去
第一 唔該做人鏈傳物資 唔好霸撚哂條路
無gear 得個口罩，做和理非又好想幫手我明。但可唔可以企得咁逼，又霸撚哂成係路？
你地係咁話要漏空中間，叫條人鏈左右散開，我以為有救護車要入啦。
我屌哂你地老母，你地原來比條跑道人跑
中間仲要得一個人揸住一枝火魔狂跑
你知唔知你地係咁托闊條人鏈
逼到另一半全部有gear嘅無撚哂位啊！！！
你地又唔係諗住打，跑你地一定跑先
唔該你地條人鏈唔好再向橫擴闊
你唔係打，唔該比返啲起碼肯帶裝上裝嘅人先啦
解決方案：
1. 一人一個手位距離，見好逼唔該自己退出人鏈唔好做
2. 係要咁撚鐘意跑跑道我唔撚阻你但唔該唔好揸得一枝半枝係度跑，你地係咪無返過飲食業唔知人嘅手係可以有無限可能？
3.唔撚好係咁話要推闊空間啊你老母！
勇武唔撚洗位企咩推哂我地上行人路
到最後你跑係跑先
4.你係覺得自己唔怕死，夠膽上前線唔該你同備好裝備，唔撚好出到去先黎拎物資
驚就唔好去咁前 認清楚自己弱點
第二點 學習中嘅勇武驚被人拉唔該你退返後唔好塞係前面
琴日油麻地我上唔到去前面，主因係因為前面好撚逼。除左我上面講班人鏈塞左一大半路之外... 仲有勁多前線係我前面，全部齊裝，全部人膊頭貼膊頭咁逼。
我見前面咁逼都唔上，驚塞住最前走，基本上我已經係遠到連彈都無試過跌落我身邊。我肯撚定逼到100%連針都插唔入
退到油麻地之際，速龍突然內街殺出，全世界擰轉頭狂跑個下，我望住成隊火魔死哂係前面，成個心碎撚左。
跑到停左之後，我已經係咁叫啲人返轉頭救人，手足唔係condom啊，結果叫左兩分鐘先返左20%嘅人。
學習中嘅勇武 你要跑真係唔係問題
但可唔可以唔好掛住跑，係咪時間耐左唔記得咩叫齊上齊落啊？
可唔可以頂一頂叫佢地一齊走先跑啊唔好咁撚自私啊？
仲要明明我有職業可以上前幫手，但偏偏比你地塞住左，到我叫你地返轉頭個下，你地係咪驚？定係跑到遠到已經聽唔到手足係前面比曱甴打到慘叫？
我彈又幫唔到手滅，想上前又比你地塞住
，叫人返黎個下你地仲係唔敢行返前因為前面係速龍。無被捕嘅覺悟憑咩叫自己做勇武啊請問？
我印象中對上一次曱甴用呢個戰術成功係荃灣，我發誓都估唔到我會再見到呢個情況
我真係好心痛，我真心奉勸所有未搵到職業嘅勇武唔好企咁前，因為你地真係未準備好，唔係跑得快就可以做勇武，唔係有對手就代表你適合做人鏈
最後，琴日係現場聽到前線要人返去要你卻，再慢慢行返上前嘅人，諗諗自己係咪真係勇武
最後想多謝琴日幫我擔遮叫我唔好喊嗰位男手足，你無裝係身都為咗遮住我同安撫我同行到咁前。
同埋自己隊友係我崩潰嘅時候扣我頸逼我走，無言感激。
唔係割，但希望可以真正體現和勇真係不分，有事要跑唔該叫埋前線，唔好割佢地，好嗎？