本人和理非一名。咁耐先出文因為啱啱先係某狗屋接咗細佬，細佬(18歲零兩個月
)尋晚作為援軍喺Poly被捕， 而家有律師跟緊，詳情容後再講。以下係被捕援軍家屬心聲， 有兩點想同大家分享下，望日後各手足珍重，勿再戀陣地戰。1. 向陣地戰SAY NO!! BE WATER唔係散水，而係留命重逢!!
之前大量文宣同分析已經話畀大家知 - 唔好再重滔五年前雨傘嘅覆轍，因為武器同訓練既分野，陣地戰係唔work。今次我哋可以有咁持續嘅階段性勝利係因為我哋策略進化咗，唔再佔領、唔再bbq、唔再camping， 用靈活性be water同政權抗爭。中大一役後好多手足已經分析過陣地戰局限同弊處，點知POLYU唔識吸取前幾日暴大既教訓，仲捉緊雨傘既尾巴，瘋狂叫人入去增援，令到幾多手足因增援被捕你地知唔知， 我細佬就係其中一員援軍
。要記住，我哋係要去搵出政權同popo嘅春袋，而非令各大學成為我哋嘅春袋！仲有要時刻銘記，唔好俾浪漫理想主義沖昏頭腦。今時今日香港只有兩樣嘢係唔可以失去，唔係大學陣地，而係「你」同「 支援你嘅戰友」，說好的煲底見?送左頭點見!?
畀你喺大學砌磚砌牆起到個超時空要塞，都只係拎嚟防守，以暴大為例，以武器裝備既分野，popo其實可以選擇奮攻強推，難道大家真係認為弓箭、訊號彈同後帝投石機可以抵擋同防暴槍同實彈？等到氣盡糧絕就只可以求救叫支援。況且退一步唸，就算popo攻入到各大學可以做乜？大學生係自己大學出現正常不過(當然文具要棄置)，見「律師陳惠源指，理大作為一所大學，有學生集結最正常不過，即使是街外人士，此時此刻在學校出現，也未必犯法。雖然警方曾作警告，不離開學校的人士會被拘捕，但選擇留下的人，也不一定違法。」(source: http://bit.ly/2KuXrE3)
所以希望大家(尤其係大學手足)往後真係勿戀陣地戰，BE WATER唔係散水，而係留命係煲底重逢!!
。唔好再講D咩專重前線決定，其一前線可能有鬼，其二唔通明知前線會做錯決定唔提
？2. 遍地開花與民意掌控
我之前啲post都有提過，我哋冇本錢打陣地戰，遍地開花先為上策，但需要顧及「民意」。運動去到此時此刻，已經好多勇武同前線手足放棄咗民意，放棄咗中間派，甚至係和理非同淺黃既觀感。冇錯要多謝勇武，唔係既話條例好可能已經通過咗，但要知道「民主與自由」之所以「萬世都不杇」係建基係「民意」支持個基礎上。簡單D講 - 民主即係「多數民意既統治」，呢場運動發酵到咁都係因為政府一次又一次漠視「民意」。
故此， 我鬧緊政府無視「民意」既同時，絕對唔可以逆「民意」而行。再講多一次，大學設施、商場同商舖裝修同火魔法等等只係視覺上好睇，其實性價比極低(甚至乎低至負值)：其一對政權不癢不痛、其二所用武力不相稱、其三俾大眾同埋海外媒體觀感好差，持續落去會令已經逆轉緊既民意加劇。反證 popo其實一啲都唔care，除咗721唔見人之外， 有冇發現其實大家裝修店舖商場嘅時候，佢哋都係唔見人，最多天光之後派兩個軍裝過嚟落簿，反而有時用火魔法辛苦左消防。
所以裝修商舖商場係分散唔到警力， 反而會令大眾對我哋嘅觀感越嚟越差，即「視覺上勝利，知覺上失敗 (Victory in Visual, Loss in Perception」。勿讓胡亂裝修變成政權調控「民意」既工具。
所以遍地開花應以遊擊同野貓式聚焦政權相關事物/在意嘅嘢，先係佢嘅「真·春袋」。至於乜係「真·春袋」大家心中有數，可以討論。但就唔好波及到醫院 (好似前幾日RB咗瑪麗同浸會會失分
)。Btw, 所有行動都係大家集體意志而成。大家可以討論一下是否休息一星期等區選完畢，用區選徹徹底底以「民意」擊潰政府，有咗民意基礎，咁就算大家之後有咩行動都可以更加出師有名。
最後，大家要記得天琦講過「不要被仇恨支配自己，在危難中仍要時刻保持警覺與思考」，
BE WATER!! 唔好再重蹈今次POLYU覆轍!!
唔好因為裝修而失民意。
利申：
和理非一名
絕對唔鼓勵及煽動任何暴力
