想搬入馬鞍山，海柏馬中定係新港城好

巴打講多D 雅濤居見佢都呎價都幾平
但好似成日無咩人提咁
好多人話位置唔方便 商場又係死場 設施又舊又殘?
亦都有部份人話好靜 幾好住

我都係因為呎價平先買到
位置方面睇你同邊個屋苑比較啦
同新港城/海柏/馬中比就點都係遠左5-10路程架喇 呢點係呎價都反映左出黎
但其實住雅濤居要買野食野行去新港城/木馬 係冇問題既，完全唔會覺得唔方便。
而且行去海濱長廊都近
又可以揀去新港城或頌安街市買餸（都係行5分鐘左右）
對我呢啲鍾意搭巴士既人黎講交通係無問題，個站就係後門行出去2分鐘就到/遠啲去到曾壁山個站就行多幾分鐘。
我覺得除非你係本身住開係鐵/商場上蓋，如果唔係唔會話雅濤唔方便。
關於樓下個商場，大部分都係補習社，對我黎講最正係有惠康，7仔同大快活，超方便。
我諗唯一冇咁好係個法團基金唔係好多錢，將來大維修相信係要夾錢，不過都講緊7-8年後，到時仲係咪留係香港都成問題。
建議你去睇睇樓先，雅濤最細都482呎實用，間屋同新港城/海柏個感覺差好遠。

Mos幾好啊
又有單車徑又可以海邊跑步
住元朗國就真係狗閪地方

住咗雅濤十幾年, 差唔多廿年
講交通, 以前無後門, 搭巴士要行好遠,
以家行後門去福安站搭巴士出九龍同新港城落樓下搭分別不大
行去馬鐵站就預5分鐘左右, 睇你步速
買野食野都方便, 樓下以家有惠康, 人又唔多,
想食快餐可以去隔離迎濤灣食KFC, 行後門去頌安食M記
呢兩個對比新港城果間一定少好多人, 快好多
單位方面, 我住最大單位, 4房雙套, 一家4口住
以我既單位黎講, 主要最大問題係細房太細, 窗台比較大
大部分牆係主力牆, 好難改, 其他單位就唔清楚
會所方面, 好細, 無咩設施, 泳池長期都少人, 好少會落去
泊車方面, 排唔到自己場, 泊咗去雅典居, 都唔算好遠
樓下對出馬路長期泊滿車, 有時會塞住
整體黎講, 住咗咁多年, 呢度雖然比上不足, 但絕對唔差
只係近年越來越多人過黎呢邊行,
加上樓下商場多咗冒險樂園, 假日仲多人, 以前真係水靜河飛

我本身唔係住馬鞍山 所以應該仲未感受到方唔方便
我睇地圖其實又唔係話差好遠
只係落雨比較麻煩 無遮無掩
巴打你望海定係點，望海既盤好貴 但望景個邊好似近馬鐵 會唔會好嘈
同埋我覺得個管理費都幾貴下好似成千蚊

會所有咩玩?
停車場我見後面有個迎濤有個露天停車場 排唔排到?
我本身有架車 但見你地個個都泊到咁遠

會所有桌球, 乒乓球, 超細gym room
壁球, 兒童房, 開會房, 泳池, 桑拿室, 小型golf場
唔好以為好似幾多, 全部都好細
泊車方面, 爛地場都好似2900$, 唔知有無位
我泊雅典居果邊室內固定位2600$, 係遠少少,
日日揸既話就泊爛地算, 打風小心D就得, 始終近海

如果你覺得缺點 會係咩位

缺點黎講
保安好流, 私人屋苑黎講, 可能因為之前cut budget
搞到好多位都無保安, 例如住戶出入商場位置, 後門位置
經常係無保安, 只係兩座出入住宅位置先長期有
會所對我黎講唔係咩缺點, 因為都真係少用,
有車既話泊車係其中一個問題, 因為供不應該求,
地理位置黎講其實算係唔錯, 係新港城與頌安之間
當然同住新港城既無得比較, 但係你想去附近屋村食野買餸都方便D
唔使下下去新港城
單位方面, 因為我唔知其他單位係點, 好難評論, 主要都係比較難改間格
好似我間4房單位咁, 有一間好細既房, 係30呎左右for儲物/工人
兩邊主力牆, 想拆咗佢整大D個廳都唔得
海景單位一定要中高層, 低層一定擋晒
仲有係如果你想用黎賺錢, 對比同區其他大型屋苑,
呢度升值好慢好低, 唔建議炒賣

落雨無計架喇,
管理費方面對比同區新樓已經好好多了
以家好似2$一呎左右, 新樓去到4-5$呎
望海盤會好D既, 望後景就真係對住馬鐵

上次馬鞍山區議會唯一輸既一席

聽濤個落地玻璃

美食沙漠+繁忙時間路面成個鐘先到沙田都搬入黎

問多句，物業質素點，有無漏水果啲問題

唔塞車去觀塘半個鐘

中環8個字

我覺得算還可以

利申：馬鞍山大

問多句，物業質素點，有無漏水果啲問題

馬鞍山咁撚遠都咁多人住
真係奇妙

單位好少 得2座
呢家22年樓 到時30年維修咪夾好大筆錢

我兩房單位 望鐵果邊 （兩房全部向呢邊，大單位先向海）
高層既話唔嘈 而家夜晚都係開窗訓。
管理費唔算太貴 睇你同咩比 都係講緊兩個幾一呎（實呎）個人覺得ok

暫時管理費都仲有盈餘, 到時真係唔知點架

咁睇唔開

歡迎加入馬友，市中心都光復左啦！如果有得揀，盡量揀馬鐵上蓋啦

海柏垃圾樓 管理又亂
買左就知中伏

會唔會考慮福安或者富輝花園？比較實用
大2房仲有新港城5期海濤居同海典居，但會貴