剛剛分手既你，入黎傾下，大家互相扶持好嗎？（34）

咁多位大家好

想請教各位巴絲意見

分手半年，因為種種自我同唔體量累積既問題令佢係一次爭執後沉默離開左我，經歷2個月既死纏雖然沒blk但都沒回覆過任何野，然後接受現實沒再騷擾佢，之後因事有過msg來往佢既態度就好似沒情緒既ai直問直答

直至上個月中佢想拎返d野，我半推半就約佢見面交收，見面果晚估唔到佢都有野比我係旅行手信同分手前既禮物，因為狗鐵已經接近關站匆忙交換完就走左，當我入返車廂收到佢msg用好調皮同有emoji 既語氣講佢早一日試過一個人入迪士尼玩，之後我地有幾晚傾得好開心，圍繞佢去玩同我既鎖碎野，知道佢仲有keep我地屋企鎖匙，佢話想試一個人睇戲我趁機約佢可惜同佢旅行撞期，傾到要訓佢既一句晚安彷彿返返去仲一齊果陣

當我覺得一切如夢似幻地向復合方向發展，今個月頭佢旅行完返溝通頻率低左好多，提返旅行前約睇戲會迴避，雖然沒hea覆但模式就唔同曬，我問佢答而且不定時覆，最長可以隔成日嚴格黎講似互相留言
有時佢都會主動帶起話題，病左唔舒服都會接受我既關心，最近會突然即覆又會已讀不回，膽粗粗試過再約佢食餐飯都沒回答

朋友屌我急嚇親佢，睇住原本傾得好好既氣氛不停跌緊watt，好驚再隔多排會返返去冰點錯過左一次機會，而且好想透過見面互動比佢見到我改變左好多，分手既打擊同挫折令我真係學識企係佢既角度思考同照顧佢感受，唔敢再衝動約佢只想用溝通嘗試保溫，但留言問答既模式究竟要點做先可以變返正常溝通好想知道佢心入面諗緊乜野


利申 我係巴 一齊十年逢假期紅日過同居生活，分手前已經儲錢準備結婚

你好

玩天光都訓唔著，到底我可以有幾傷心？

琴日分手 唔知點算

點解可以三個月咁快 利申琴日分手
係真係走出黎個隻呀 定呃自己要快啲有下一個所以先走咗出嚟

痴線 呢個速度我真係唔追文喇

見巴打有上 可唔可以同我傾陣

我知呀，唯有比時間過去

經過第一次，真係會對下一段感情有啲驚

有咩想傾 黎啦
Btw 絲

啱啱分咗手一個星期有多，每晚都訓唔著，開頭幾日每分鐘都好似以淚洗面咁，等時間過啦

拍左三個月 大家都想行到尾 但上星期日同佢講左啲我相處上既磨擦同問題之後 佢當無野發生 好似唔想諗唔想處理咁 跟住星期一問佢你諗成點 佢就話我好煩好chur 好想冷靜下 跟住我驚得濟 星期二再去搵佢 佢好抗拒我 但都無講分手 我都話會比時間佢諗我星期三四都無搵佢 琴日再去搵佢個陣 一路跟 佢一路同人傾電話 有幾次捉停佢個人 佢先肯停低但都鬆開我對手繼續行 唔理我 跟手話我係咪有病洗唔洗睇醫生 跟埋到佢屋企 佢就講左分手

拍左三個月 大家都想行到尾 仲對未來好有幻想 但上星期日同佢講左啲我相處上既磨擦同問題之後 佢當無野發生 好似唔想諗唔想處理咁 跟住星期一問佢你諗成點 佢就話我好煩好chur 好想冷靜下 跟住我驚得濟 星期二再去搵佢 佢好抗拒我 但都無講分手 我都話會比時間佢諗我星期三四都無搵佢 琴日再去搵佢個陣 一路跟 佢一路同人傾電話 有幾次捉停佢個人 佢先肯停低但都鬆開我對手繼續行 唔理我 跟手話我係咪有病洗唔洗睇醫生 跟埋到佢屋企 佢就講左分手

共勉之

依加諗起去過既地方一齊食過既野 甚至係佢唔比我飲既可樂 就好難過
利申：巴

過熱戀期開始要相處上磨合嫁喇
只可以講你行為上真係好chur

就算我星期一二咁樣chur佢 佢都無講分手 佢個人本身好決絕 所以我覺得佢係衝口而出 加埋我叫佢個fd問佢係咪真係諗滿楚 我應該等多一個禮拜再move on 不過琴晚開始執緊佢送比我啲野

但佢個人本身係唔識諗野 諗黎諗去一舊舊 我唔知佢要諗幾耐
最重要佢有同個fd講過佢唔想傾唔想諗 我先咁做
我好想同佢傾 但佢好似唔想咁 唔想處理磨合期既野

佢唔想傾同諗你仲chur 佢？