[分化危機] 中大同理大保衛家園不尋常分化現象

上左舊登＋連登都有十年以上，一直都係做CD Rom，第一次開PO，小弟表達能力都唔係咁好，有咩屌細力啲。

我係一個Final Year好普通既一個大學生，一個無乜用既和理非，我好感激好勇敢既前線手足，為左我地既香港繼續打落去，當然仲有好多好多唔同各界人士都出左好多力，幫左好多手，先可以令活動行到今時今日。經過中大同理大（原諒我對城大同浸大了解唔多，我知大家都辛苦左好耐）呢兩場「戰爭」之後，我有小小睇法，我既資料未必最準確，始終我唔係全部時間都係現場，但都綜合左唔同資訊，大家可以睇下合唔合理，有錯漏既都可以補充。

由６月９號「反送中」運動正式開始，行到今日，相信就算係藍絲都知我地既口號
「不分化、不割蓆、不篤灰」
「兄弟爬山，各自努力。」
「唔捉鬼，無大台」
呢一切都係我地雨革失敗之後得到既教訓、反思，係呢五個月黎香港人都緊記呢幾個信念，希望走到更遠，光復香港。

事緣係理大今日吹左大雞，好多理大人、舊生、街外人都黎左幫手，但因為一直都無人好好ＬＥＡＤ住大家，令到成件事好混亂，好多人都好燥。海關方面，好多街外人話海關唔比佢地入，因為佢地無學生證，而且態度好差。到到夜晚，更無啦啦傳左張相同名出黎，話已經有一ＴＥＡＭ鬼入左黎，成班就逐個ＣＨＥＣＫ係咪鬼，仲打埋交。好多人話已經唔會再入黎理大幫手，因為理大人唔知做咩、態度差、又玩捉鬼。

至於中大琴晚無啦啦有３個人出黎開左記者會，話會開吐露港公路南、北行車路各一條２４小時，為既係政府承諾一定要預期舉行區選。奇怪既地方係，中文學生會澄清從未知悉及同意有關區議會選舉等相關行動訴求（https://www.facebook.com/CUHK.SU/ )，同時亦有流言講中文人比人恐嚇（https://lihkg.com/thread/1721956/page/1 )，同時中大都出現話有海關唔比中大以外既人入，同態度好差。中大既事我唔係好熟悉，呢Ｄ要靠大家ＦＣ，但呢３個人的確有可疑。

應該有好多人同我一樣有呢個諗法，點解呢兩日啲狗咁反常態唔清理吐露港公路同紅隧既路障？，明明其他區既開花都有狗到場處理，唯獨放棄呢兩條既重要幹道，寧願「被三罷」都唔快啲「回復平靜」？

我個人唔認為佢地係因為「攻唔入」大學先退，講真，如果佢地真係大包圍，同時唔同出入口攻入黎，至少理大第一日好易已經比人攻陷。你話因為係大學地方驚國際輿論？去到今時今日，我唔覺得港共政府仲有咩做唔出。

一開始我以為係佢地消耗我地體力同意志，等我地最弱先黎攻打我地。拎理大黎做例子，１３號塞左紅隧成日無狗黎過，到１４號凌晨３點左右派左３０—５０防暴企係收費亭前，用電筒挑釁學生，搞到理大吹大雞之餘在校既人都警剔住，為既只係要修理收費亭？到朝早晨咁早射幾粒ＴＧ又走左，去到晏就無啦啦派幾十防暴企係Ａ ＣＯＲＥ前面落地，之後又上番車走，最後係無攻打過理大。綜合中大同理大既事件，我有以下推論：

以大學產生「大台」，再大派鬼混入分化群眾

（我絕對唔贊成要捉鬼，緊記我地運動可以持續落去既原則）
眾所周知，中共最叻就係玩分化，令到你人民鬥人民。中大同理大都有共通點，
１）疑似有鬼（甚至係理大有人發起埋捉鬼）
２）對手足態度好差
３）唔比街外手足入校園幫手，本校生同街外手足既互相指罵

運動持續左五個月，大家都一定有疲態，係戰場上更加會令情緒高漲，少不免會好易燥底。但咁耐以黎大家都可以達成共識，未試過發生打手足既情況，更加第一次逐個逐個人咁捉鬼。

首先，我認為港共睇準左大學生一定會守護自己大學既呢一點，除左逼你地打陣地戰，同時造成本校生同街外手足既互相排斥（分化）。係呢段時間，佢地派大量鬼入校園內挑動大家既情緒，當啲狗幾個鐘就黎一次唔比你休息既時候，如果大家有分歧既時候都難以平心靜氣，更何況可能係有好多鬼主動不斷挑起是非，甚至做埋海關角色，粗魯地屌走想黎幫手既人，進一步分化之餘，打起上黎人數少Ｄ。逐漸係校內守既人越黎越少，街外手足唔想再去唔同校園幫手，形成有「大台」既出現，「中大啲人ＸＸＸＸ，理大啲人ＸＸＸＸ，。。。」，長遠落去絕對唔係良好既風氣，一次過將我地相信左五個月既原則打破晒。

咁樣就可以解釋到點解啲狗專登唔硬清大學場，目的就係想比時間啲鬼混入校園帶起以上風氣，令我地士氣低落，甚至將分化風氣帶落去慢慢瓦解個運動。

鬼，大家都知一直身處左係你同我身邊，出得去就要做好保護自己既準備，無論幾時都遮好自己個樣。雨革之後大家都知捉鬼係晒人力物力、破壞手捉之間既信任，無意思又傷和氣。中共玩黎玩去都係呢一招，但都係佢地最耍家既一招。出得黎個個都係手足，唔好分咩人咩人，唔好咁多猜疑，對手足都禮貌啲，你比人屌你都會唔服氣，咁樣先可以走到落去。

無論係咪我陰謀論，我地都有值得改善既地方，不分化、不割蓆、不篤灰、唔捉鬼、無大台。

香港人已經無得再輸，比人拉左既義士輸既係十年、一隻眼、暴打、強姦、無得番香港、甚至已經無埋條命。今次唔贏，歷史書上我地就係暴徙，地圖上得番香港市，我地永遠失去左我地深愛既香港。

成晚仲未訓，可能打得好混亂，唔好介意。

光復香港，時代革命。
五大訴求，缺一不可。

大家正視一樣野就得
Popo硬攻唔得 但唔可能會放棄
所以想用內部分化令我地散
依個係必然發生緊

每個人都要醒醒定定

分析得幾好 推

Push

推

推
記者會講得唔係追求緊五大訴求
就知道唔係同路人
5個月
仲要同政府講話要兩大訴求就得？

唔好俾人騎劫呀

pish

推

推

Agree

點都好、一分化都輸哂，14年試過，今次一輸就集中營！手足們保持理智

Be water啦
唔好變佔中2.0呀

推推推

推

推

幫手推

P