(基督徒) 祈禱抗爭

小長，第一次開Po，見諒。但小弟見中前線、後方都好多基督徒。小弟好希望中前線知道，有好多人日日為你地祈禱，為你地加油打氣。

是咁的，小弟身邊有好多基督徒，和理非，每日睇新聞睇到好無力，唔知點祈禱。我知道一班高官一向係有祈禱會，我嘗試代入佢地，會點祈禱。當然如果大家仲覺得自稱基督徒就可以上天堂，咁既天國不進也罷。

佢地會點祈禱？
求智慧製暴？
求止息佢地眼中既暴？
求民意逆轉？

聖經有一個先知，叫以利亞，佢係一迦密山一條友單挑450個敬拜巴力既先知，用祈禱鬥法，邊個神聽祈禱，就證明呢個神係真。換個角度諗，即刻要對方既祈禱祈唔中，佢先可以生存落去。

一個人唔可以事奉兩個神，到今日班權貴、高官已揀左佢地要拜既係中共同埋富貴，你掉轉本聖經去睇，用句好基督教既術語，你都係睇唔到佢地會係合上帝心意既人。

所以，小弟大膽講句，我地就祈禱佢地既祈禱唔成就，神學上係站得住腳。

註：你可以用羅馬書十三章駁我，我會用啟示錄同你死過。歡迎神學討論。

最後
光復香港，時代革命
五大訴求，缺一不可
解散警隊，刻不容緩
願榮光歸香港！

祈禱係基督徒最大既武器！

你不如祈死啲上水荃灣元朗鄉黑 濫捕嘅黑警傾斜嘅高官啦

樓主讀神學？

當我耶L咁答你
聖經有存在過極邪惡既地市，個時上帝出手係因為夠期，冇人可以話個城市冇邪惡。但上帝今帝要點出手，我都日日問

有好多基督徒未接受到咁祈，但其實聖經又真係有祈禱叫人去死，我自己會咁祈，歡迎加入

讀過少少，繼續努力中

你想點神會唔知？
全部都係神安排好哂
你祈乜撚嘢禱？
你跪求完佢就會改變自己嘅安排？
唔知祈禱係乜邏輯，但就肯定係最無撚用嘅方法

你自己個人唔係基督徒唔信祈禱既就算啦，唔好理佢。但請尊重返基督教既方式，又唔洗話無用無邏輯既

老實講,你係屋企為前線代禱係無用嫁.
行出去街上,開聲禱告, 搞祈禱會, 唱詩歌啦

駁唔駁到？

我日日都真心咁講叫上帝快d收班仆街闔家產皮
我知道上帝會原諒我嬲到唔講粗口都唔得

你唔係信基督教，好難用返基督教既邏輯駁你，同解釋你聽，反正信仰就係信就係。

其實如果真係信有神嘅話，我覺得基督徒嘅胸襟真係要無限大先會贏，神係想你喺好遠嘅角度去睇嘢。

當敵人喺你面前嘅時候，你唔係要去硬撼，而係要持盈保泰，等待一個機會，好好咁利用呢個機會去打敗佢。

Tom Cruise有一套戲叫做War of the Worlds。外星人嚟到地球濫殺，人類根本冇機會贏。只係挨打同等待黎明。但係突然間有一個turning point, 外星人飲咗地球啲水，水入邊嘅細菌殺就係佢哋嘅致命源。咁地球人就係一日之內翻身。呢個故事就係教訓我哋要堅持但係唔係硬撼，消滅敵人係要從內，而唔係從外。

依家雞蛋撼高牆，就係重外去撼牆。所以傷亡係會大而成效細。要集中火力搞好嚟緊嘅區議會選舉，試吓從內去做，去完成我地嘅理想，去繼續完成好多被EQ 議員嘅使命。呢個世界只要肯去做，冇嘢係Mission Impossible.

岩，我識有人做樂手、有人做教牧係前線，做埋記者也好，安慰受傷手足也好。

所以我要講出黎，希望多啲基督徒睇到，由佢地自己祈禱既方向改變，大家可以咁樣祈，大家可以咁樣比人知你點支持緊前線，唔好睇少心靈/靈性上既力量，德國基督徒會記得，柏林圍牆冧之前，係有教會每星期咁去祈禱

手足，講粗口既惡，遠遠不及殺人強姦警暴個班

其實你要祈禱有更多有意義嘅野去祈
做咩祈人地祈禱唔成就啫
耶穌被賣前有冇求法利賽人祈禱唔成就
佢祈禱叫我們住在祂裡面（約17）
聖經話禱告合佢心意，佢必成就，不如禱告聖經上嘅命令（約壹3:23）帶人信主同彼此相愛
如果係呢個時刻，心思仍然清明，主一定悅納我地嘅呼求

Btw 多人禱告，果效更大

你唔係覺得有邏輯而信，而係因為信無邏輯都接受
性交轉運都有邏輯，只係你唔信

你既目的都係想我駁你唔到姐無謂再作出呢啲無止境既拗撬

岩呀，多人祈禱更緊要

Between，成本聖經睇，聖經要求我地做見證，做真實既見證，內容包括係傳福音（然後延伸去問傳點樣既福音，係咪只係口傳等於傳左？）、彼此相愛，亦有行公義好憐憫與你的神同行，所以要推落去，咩行動，比人睇到我地做緊既見證

我講祈人地既祈禱唔成就，係講緊，我地對抗緊一班唔會同你講道理、講相愛既人，每日心裡面只想市民死。難道我地會想佢地心想事成？我只係想，真實坦白咁面對對手既邪惡，指出佢地既惡，而指出對方既惡，係聖經裡面係有根據既。

時差問題，稍後回答。

神學上我唔信宿命論，所以先有得講；我個人亦唔受開放神學，所以更加多野講。

同埋手足講得岩既地方係，每人會因為自己所信既，有一套邏輯，唔信亦有唔信既邏輯，係講得通既。可能到最後，我地只係各自表述，理性討論黎講，呢個結果好正常。

我係信左一年
好好奇邊章有講祈禱叫人死好想睇

最新睇完舊約創世紀同出埃及

耶撚仲衰過藍屍

舉兩個例子，再講下點去睇呢啲經文。就咁抽幾節經文，睇落去好暴力，好難去解釋，所以以前唔係好多傳道人、牧師肯花時間去解呢啲經文。但到今日既處理，我地讀落會有多啲共鳴。

例子1:
「至於那些昂首圍困我的人，願他們嘴唇的奸惡陷害自己！願火炭落在他們身上！願他們被丟在火中，拋在深坑裏，不能再起來。說惡言的人在地上必堅立不住；禍患必獵取強暴的人，將他打倒。」
‭‭詩篇‬ ‭一四零9-11‬

成篇講大衛比人追殺，佢既祈禱係希望佢既仇敵死。點解可以比猶太人接受納入聖經？可以咁祈禱？應該咁祈禱？咁祈就係真理（源於聖經所寫就係真理既想法）？

再講以斯帖記又有記載猶太人殺哂啲仇敵，仲要係皇命之下，揀定日子開人拖。呢啲要睇舊約律法所要求既以眼還眼個種律法，有惡行就要罰，但條件係唔可以過左對方對你所造成既傷害，要公平。但到左新約，耶穌同你講，在公平之上，上帝想你以善勝惡，以致可以令犯錯既人悔改，愛係感化人既力量。但我會諗，香港未到呢個地步，呢個時候連敵人都唔覺自己錯，基督徒仍要講愛，係好難好似柴玲咁單方面愛哂犯下暴行既人。愛同埋公義，好難完全分得開。我咁諗，接納既前題係悔改。

例子2
「將要被滅的巴比倫城啊，報復你像你待我們的，那人便為有福！拿你的嬰孩摔在磐石上的，那人便為有福！」
‭‭詩篇‬ ‭一三七8-9‬

殺嬰經文，源於巴比倫入侵耶路撒冷時候屠城，所以個時既猶太人唔會忘記佢地既bb係咁比人殺死。所以同樣，咩人有福？遵行律法既人有福，以牙還牙以眼還眼既人有福。諗多步，呢啲係猶太人，甚至係初期教會接納到既經文，祈禱既內部係要真心，呢個時候如果要我日日都用祈禱去學習愛個班魔警，上帝原諒我做唔到。但我覺得，對自己感受坦白，咁去祈禱緊要過追求政治正確既祈禱。

我覺得聖經既闊度在於，係和平既時間好多經文可以講，所以我地聽到好係教會既道、查經，教我地點做好見證，咁唔係問題，係絕對岩既事。只係當危機黎到，個處境改變哂，點樣用成本聖經去睇、去處理、去承載受緊苦既香港人，更加重要。

我會咁去形容，到今日基督徒接受到社運，都真係由14年雨革起用左好幾年時間，去慢慢改變個觀念。所以淨係要改變係屋企祈禱，都需要時間，但唔代表佢地唔會變。呢幾個月，個改變過程已經係幾何級進化緊

所以希望巴打你唔好用某一種基督徒蓋過所有基督徒，都係個句，我識既基督徒，真係好多深黃，上哂前線被人拉被人打，咁仲係唔係耶L衰過藍屍呢？