http://std.stheadline.com/daily/article/detail/1468725/日報
葉劉指曾撐23條 王維基:你認錯人
立法會選舉進入倒數一星期,各候選人都出盡渾身解數吸睛吸票,港島區候選人葉劉淑儀昨日於電視台選舉論壇時爆出一句「我做局長時王維基好巴結我,佢話廿三條佢撐我」,令全場嘩然,王維基立即斷然否認,反指「我幾時見過你呀葉太?」有備而來的葉太就打蛇隨棍上繼續狙擊王:「你日日講大話,你當年撐我,我記得好清楚,因為當時無咩人撐我」。
葉劉淑儀、王維基二人在論壇就廿三條立法互相抨擊。葉劉淑儀在自由辯論環節大爆王維基曾支持自己就廿三條立法,她說王維基在自己做保安局局長時「好巴結我」,又指「廿三條好撐我」。王維基先是呆了一會,及後斷然否認,並反問葉太「我幾時見過你呀葉太」,又指葉太認錯人。
葉太則指,「我見過你,喺酒會你話我撐你,你會巴結我,不過你係雙色龍。」王維基就稱,「我諗你認錯人,我無見過你」。葉劉淑儀其後繼續狙擊王維基,指「你日日講大話,你當年撐我,我記得好清楚,因為當時無咩人撐我,你話你唔記得我,係咪識得女性朋友太多?」葉太更加抨擊王維基「日日講大話,連基本法你都唔識,你有咩資格入立法會呀?」王維基當時的發言時間只剩下九秒,未有再作回應。
另外,對於葉太競選口號「贏返香港」,王維基在主場環節質疑「實際係邊個輸咗香港?」他指葉太過往擔任四年行政會議成員及八年立法會議員,「每日陪住梁振英」,有份參與制定香港政策,質問她「幫梁振英做事定幫香港人做事?」
王維基提出問題期間,葉太疊聲反駁:「基本事實都未搞清,我邊會每日陪住梁振英」。她又說自己任期內做過很多事,「下周就有所港島學校校長多謝我避免殺校」。
王維基在今年五月被問到支持誰當下屆特首時曾指「誰做都比梁振英好,葉劉淑儀又好,曾鈺成又好」。不過今次王維基被葉太爆料狙擊相信亦始料不及。王維基前晚於自己社交網站上重申自己反對廿三條在沒有社會共識下強行立法,更加澄清指自己在十三年前不在政圈,是nobody(小人物),不認識葉太,更遑論支持葉太推行廿三條,
又表明自己在十三年前的七一遊行有與子女出來反對葉太。不過,他亦稱決定參選「就預咗被抹黑」,「只係估唔到要行政、立法經驗超班的「高手」出招,仲咁有創意𠻹」。