第一次世界大戰，係人類歷史上一場極為重要既戰爭，背景發生係1914年至1918年，係人類史上第一場全球性規模既大型戰爭，由於主要戰場係歐洲，所以又稱為歐戰。
當時戰爭國主要可以分成兩邊，分別係同盟國（德﹑奧匈﹑土耳其）同協約國（英﹑法﹑俄﹑意）。
開戰既原因主要歸類為極端民族主義﹑同盟對立﹑軍備競賽﹑同埋殖民地爭奪等等，加上戰前危機既出現，引起大戰發生。
1. 極端民族主義
自從德國係1870年既普法戰爭統一之後，法國一直對戰爭既條款十分不滿，例如德(普王)威廉一世係位於法國既凡爾賽宮入面既鏡廳宣告建立德意志帝國，法國人民對於呢樣野一直係耿耿於懷，埋下左兩國於日後對立既伏線，法國國內復仇主義盛行。
宣告建立德意志帝國
法國學校教導有關因為普法戰爭而失去阿爾薩斯-洛林既情況
2. 同盟對立
普法戰爭後，德國總理俾斯麥擔心法國報復，所以希望透過結盟政策孤立法國，引起左一條又一條既同盟條約出現，例如三帝同盟﹑三國同盟﹑德奧同盟等等，最後可以歸類為兩邊，分別係義大利、德國和奧匈既三國同盟(1882)，以及法國、英國和俄國既三國協約(1907)。同盟內容主要圍繞住當自己國被打，其他同盟國要互相協助，引致戰爭時候引起連鎖效應。
三國同盟
三國協約
美國漫畫描述因為塞爾維亞被奧匈攻擊，以致俄國攻擊奧匈，引起德國攻擊俄國，再因而被英法攻擊的情況。
