呢句說話成日都聽到藍c講
而今日講呢句說話嗰個就係我個藍c阿爸
佢話啲後生仔唔識諗先俾人煽動出嚟
一定有班人收咗錢出嚟做嘢
之後我就諗左兩諗
首先煽動即係解啲後生仔冇經過深思熟慮俾人講兩句就出嚟做一樣藍c覺得唔啱嘅行為啦
跟住我問佢 點解政府唔可以煽動返一班人出嚟支持政府?既然佢哋係正義嗰一方,咁應該更加容易煽動到人出嚟幫政府架?
之後我又諗返佢話啲人收咗錢嘅問題
首先我都唔想駁斥佢用錢點解可以請到咁多人出嚟
我只係反問佢一句外國勢力可以攞錢出嚟叫市民用生命去換錢,咁點解大陸唔可以拎錢叫更加多人出嚟支持政府?
既然政府係做緊啱嘅野,而且仲有錢收添喎,點解佢哋唔可以搵更加多人出嚟支持政府?你唔好同我講啲咩因為佢哋驚危險,你地啲藍c講到出嚟嘅人為咗錢連條命都唔要,唔通愛國人士就冇呢啲人?唔止有錢收仲可以拎到民族英雄呢個光環,點解冇人做?
阿爸冇聲出
之後我就話 因為根本就做唔到,冇人會為咗錢連條命都唔要,冇人會俾人煽動兩句拎條命出嚟博,佢哋係因為經過深思熟慮覺得呢件事係啱所以先出嚟,你唔好用大陸嗰套價值觀諗佢哋,大陸人只要唔好阻到佢搵食搵到錢就算冇自由都無所謂,但係香港人唔同,佢哋可以為咗一啲野放棄搵錢嘅機會甚至放棄自己條命,呢樣就係自由民主,你地啲藍c同大陸人淨係識睇錢根本就唔會明點解啲人會出嚟,所以咪搵個理由合理化呢件事囉,咪話人外國勢力,一定係收咗錢,一定係唔識諗俾人煽動出嚟囉
之後我阿爸就拎起咗枱面部電話好大力咁揼咗落地然後就返咗入房
跟住我就大叫多一句 你咁嘅行為咪同政府一樣囉
同你講道理又唔聽,到時唔同你講道理你又話人唔坐低傾
不過其實呢件事都唔係重點,重點係嗰部電話係我㗎,要揼你揼自己嗰部啦
依家個背脊爆左,想問下邊度整會平啲