剛剛分手既你，入黎傾下，大家互相扶持好嗎？（26）

咁就岩啦 要留尊嚴比自己

我唔想佢搵囉
我隔成個星期先覆佢msg 一覆就佢就睇 嚇到我

揾左都唔系件好事

我講其他人既case就可以好理性 對自己真係當局者迷

我都覺… 雖然佢咁絕 一句問候都無 但係我知我犯賤 短期內都唔好有 conversation先 move on 到

好正常姐
就好似拍拖前 對住鍾意既人講野都諗黎諗去 其他人秒回都唔係問題

真 真係一句都唔好傾 好快就過去

諗起佢派好人卡比我
我比每個朋友睇段文字 佢地都話佢冇留過我 叫我走啦唉...

係啦 我哋都咁講 其實佢對你無嘢 對你好對佢好 近排都唔好諗咩復合唔好 contact好啲嘅 你都俾自己冷靜下消化咗先

因為事實上真係無留 其實同第一頁個渣男心態類同 只不過佢唔係渣男

就算我朋友點屌佢 我都一直覺佢係最好..
之後我又望返自己既千字文 唉 諗緊自己講野係咪太盡

講咗既野就無得收返

岩岩散仲覺得佢好好 掛住佢都正常既

其實我諗左幾耐先決定講唔講 我打千字文果陣 我都喊到七彩 我都諗左幾耐可以點解決大家問題 令大家走得更遠 但其實得我一個努力係Keep唔到呢段關係 所以我先寫千字文比佢 唉

咁段千字文大約關係咩嫁?

得一個係因為唔夠愛

睇返以前對話 諗起我地好多開心又甜蜜回憶 我知你返工好忙 但你每一日都會花時間同我傾計 其實咁樣既陪伴 我已經好滿足
真的 好多謝有你同我一齊去東京倫敦荷蘭旅行 三個地方都係我一直好想去既地方 其實去邊唔重要 有你陪伴就足夠
我承認 每次旅行大部分時間都係你照顧我呢個傻仔 辛苦你 其實我個人可以好獨立 或者你睇唔出 係你角度 我的確係成日要你照顧 但係我角度 我只係想對住我愛既人依賴 完全信任 我好需要你 我只係唔想自我保護意識咁強
你講過 我既世界好似得返你一個 你會驚 其實我世界好大 只係我願意你成為我既世界唯一
唔知幾時開始 我冇再聽到你同我講掛住我 愛我 我唔係指責你 你都千奇唔好怪自己 真的 其實你係我心目中一直都係最好 你對我好誠實亦都唔捨得呃我 你唔好成日諗到自己咁差 你要學會欣賞自己 其實我都要付上責任 當你對我變淡 我就應該要及早同你傾下我地之間係咪出左問題 我一早感覺到問題 只係我不斷說服自己 你返工忙同攰而冇當下同你傾 導致大家分開 對唔住
雖然我地一齊時間只有半年 但感謝你陪伴我渡過我既黑暗時期
傻仔係時候要長大 冇機會再一直依靠你 再得到你照顧 我會不斷努力成為一個更好既人 希望你之後會過得好開心好開心好開心 煩惱都遠離你
好高興認識你 梁X

我就係咁樣同佢講完 佢先Send好人卡果段放字比我..

睇完段野 唔知點咁

好…沉重
其實都唔係話絕唔絕嘅 只不過係講個事實同感受啫

我朋友話 佢唔愛我 唔會因為呢段文字而感動
但佢地作為第三者 感受到我好愛佢為佢付出好多 但我最後只係個好人

我覺得 你都係講返感受比佢知 而佢都想同你好黎好去 就比好人卡你 講聲再見

咁一嚟可能佢都知你地嘅問題嘅咁係 unsolvable 無謂勉強