首先半日制既代價，就係星期六長短週，長週的話，星期六係要上晝7點幾返學，即使係下晝班。對唔慣太早起既下晝班小學雞，絕對係酷刑，天寒地凍就仲衰多兩錢重。
星期五成夜晚6點幾至放學，第二朝7點幾又返學(係返到學校)，星期五晚唔可以夜訓，功課又冇得留第二朝，趕功課有幾char可想而之，試過有教畜星期五比功課「習字兩篇」，第二朝星期六交，死未？說好的Happy Friday呢？
母校逢星期二中默，星期四英默，可想而知每星期就係咁loop：
星期一至四：上晝操默書(可能仲有補習有「興趣班」，有D人話以前小學冇補習喎
)，夜晚做海量功課星期五：上晝係唯一保證有得吊頸抖氣既時間！夜晚兩睇，短週就Happy Friday，長週就如上述，得個char字，仲辛苦過平時
星期六：都係兩睇，短週繼續抖下氣(當然可能有補習有「興趣班」)，長週就似有還無的weekend，唸下返工返5日同5日半既分別。
星期日：如果星期六休息左，都係時候應付海量功課，同準備下星期二中默(當然繼續可能有補習有「興趣班」)
小五全年同小六上學期，除左以上呢D，仲有操學能測驗。
上晝班我冇試過，唔評論，不過好多人都知：(如果有時間)人地上晝班放學後，睇幾套卡通片；我地下晝班返學前，睇粵語殘片
。好多人屌香港教育測考壓力大，但我認為測考期間反而比較輕鬆：冇功課、返短D時間、唔使孭成舊鐵咁重既書包、教畜發癲機會低D，溫書？平時溫默書已經死咁濟啦。反而默書先係最仆街，但咁多年都冇人屌。
可能你會話：屌你老母樓主又係老屎忽「而家D後生已經好幸福，仲咁多聲氣真係冇撚用！阿叔以前仲辛苦味又係咁挨過.......」
唔係話而家既小學教育冇問題，亦深信全日制既壓力比半日制有過之無不及，亦好慶幸半日制之下，lunch唔使挨監獄飯盒。只係想講，以前半日制既美好，實在係講得誇大左。