睇咗兩次
對景羅剎女爆煲個下有新體會
首先有兩個大前題係要記住
第一,場戲演緊既一直都係花子佢自己
第二,景真係佢前男友,小說家個女,唔係吹水
花子係從來都冇諗過場戲可以點樣完
因為佢直到依家都未平息到佢既情緒
亦因為場戲演既係佢自己,場戲係預咗冇得完場
成套戲既設定就係咁:
如果景演到落去,花子應該都可以有出路
如果景演唔到落去,咁佢就可以認命放棄治療,順便報復
花子從一開始抱住既就係絕望既心態,覺得自己冇得救
佢肯做導演係因為見到場戲既班子好完美
都想知呢班演員有冇辦法為佢自己完到場
同時應該都有想報復景既心態
講到底,對佢黎講場戲就係演緊自己
透過呢場戲,佢係希望從羅剎女呢個角色身上,搵到開解自己既方法
或者,食住花生睇住一個天才/仇人,點樣因為演佢自己本人而死喺舞台上
所以喺最後嗰幕,佢對於景最後抽離角色夾硬完場
係一啲反應都冇
反而係好似預咗咁,完全接受
因為咁樣係證明咗佢自己既失敗係冇辦法解決
亦係同時心裡暗爽報仇成功
但偏偏諗住所有野都如同佢所想咁樣發展既時候
成個戲班竟然為咗唔俾景死,放棄場戲一齊阻止景自爆
亦偏偏係因為咁,景可以投入返入去個角色入面完場
當然外人睇場戲,覺得突兀係好正常
之不過如果記得返場戲係演緊花子自己
成個意義就唔單單係景所扮演羅剎女平熄怒火咁簡單
真正既意義係,景所扮演既花子最後得到原諒釋懷
亦因為咁,花子係接受唔到呢個結局
因為呢個結局係有朋友既景所扮演既花子先可以有既結局
所以到最後可以睇到,花子係極之妒忌景
亦因為場戲演完,所有人都終於知花子需要既係啲咩
最後先會有王道主角套路洗白花子,邀請佢做朋友
只能說
呢套漫畫比我想像中好睇
真係冇介紹錯