黃杏秀 遺憾 阿叻 絕後 秀姑 親述 不育慘況：發現卵巢含晒膿

週二（ 19日）無線慶祝 46週年台慶，本應上下一心普天同慶，但適逢發牌風波仍未收科，全城圍插無線寡頭壟斷，令台慶蒙上陰影。
無線本已多事之秋，但向來口不擇言的阿叻（陳百祥）卻火上加油，連日向網民挑機惹禍，有網友不單發起“萬千熄機賀台慶”，台慶當晚更到電視城門外撒溪錢“贈興”。
面對網友，阿叻口沒遮攔，但對住風雨同路近 40年的賢內助黃杏秀，阿叻卻一改臭口作風，人前人後不停贊秀姑。對於秀姑多年未有所出，阿叻戲言：“冇仔生仲好！”而多年來從未接受過訪問的秀姑，日前獨家向本刊透露，指自己不能為阿叻繼後而感到遺憾，更首度透露不育原因，是當年腹膜炎導致卵巢含膿，從此不能再懷孕。

撐老公
黃杏秀護夫情切，在微博開火反駁網民，呼籲大家“開電視做善事”。
由於王維基的香港電視不獲發牌，觸發全城抵制無線的電視霸權，有網民發起“ 1119”台慶熄電視，以行動抗議一台獨大。面對網民來勢洶洶，每年有份做台慶司儀兼身為無線大股東陳國強（殼王）老死的阿叻，連日臭口護主，一時說收視得兩、三點會跪返屋企，更表示自己寧願死咗去。其後又開出盤口，指若有三十點收視，便捐三百萬做善事，令台慶夜變駁火戰場。週三（ 20日）中午，無線公佈台慶平均收視 29點，最高收視 31點，無線亦承諾會捐 310萬到七間慈善機構。雖然兩個收視點都比去年台慶下跌 5點，阿叻總算輸唔曬。

婚前知不育
其實今年 62歲阿叻，經常牙擦認叻，但為人用情專一，身邊老伴，多年來只得黃杏秀一個。二人當年相識未夠兩年，於 79年便在菲律賓秀姑家鄉結婚，當時秀姑乃無線當家花旦之一，阿叻卻是大茄一名。為免影響秀姑星途，二人決定秘密結婚。不過婚後不久，秀姑決定息影，樂做阿叻背後的女人。對此，阿叻直認：“佢咁靚咁叻，我第一眼見佢，已經覺得佢系天使下凡，當時我覺得佢襯得起我，咪俾佢同我喺埋一齊囉！佢眼光都好好，揀到我！”招積本色不變。
而不下一次講過自己不恨生仔的他，對於秀姑多年無所出，阿叻坦言結婚前一早知情。 “我同佢結婚前都知啦（指女方不育）！冇所謂喎，我12歲嗰年已經同自己講將來唔要細路?啦！咁鬼煩，我又唔識教，只會縱佢哋，冇細路咪仲好，依家我有六隻馬、五隻狗，我咪當佢哋系細路仔囉，佢哋聽教聽話，唔使我操心！”

腹膜壞死
阿叻口說“冇所謂”，但身邊另一半卻對自己不育，未能為丈夫繼後而耿耿於懷。週二（ 19日）台慶日，一直伴隨阿叻跟出跟入打點一切的秀姑，望見老公入了錄影廠做台慶司儀後，便向記者娓娓道出和阿叻相識經過，更爆出不育的慘痛經歷。
記者：記秀姑：秀
記：你最初點識阿叻？秀：訓練班嗰陣同溫拿成班去玩，佢（阿叻）揸車送我哋返屋企，我係最後落車，佢同我傾偈同埋交換電話，之後就約會，大家有feel嘛，好快就一齊。
記：當時覺得佢個人點？
秀（忍唔住甜笑）：覺得佢認叻，成日話自己靚仔又有本事，我同班同學仔講呢個人咁囂士，嫁著佢就慘，哈哈，點知自打嘴巴！
記：冇小朋友，有冇覺得遺憾？
秀：其實後生嗰陣都想有，係有小小（遺憾）嘅，唔生一件事，但冇得生又係另一回事。
記：經過係點？
秀（抿一抿嘴）：嗰陣拍劇好忙，盲腸穿咗都唔知，見肚痛去咗浸會（醫院）睇醫生，醫生幫我檢查嗰陣，覺得左腹好痛。當時醫生懷疑我腹膜炎同埋有婦科病，叫我入院 check，但我當時拍緊《十三妹》，見到唔再痛就冇理。一個月之後拍完劇，個肚又痛痛哋，再去睇婦科，醫生 check到我左腹有個大過雞蛋嘅瘤，驚係惡性要即刻開刀。
記：阿叻當時點？
秀：佢成個騰曬，我諗好多人未見過佢喊。我推入手術室嗰陣，佢喊到花面貓咁，好似做戲咁，叫我唔好有事。我見佢隻手都震曬，嗰刻雖然好驚，不過老實講，見到佢咁樣，自己都有啲感動！


17/11遺失手機
上個賽馬日，阿叻夫婦專程到馬會捧郭富城場，但遭網友狂插，惹全城反感的阿叻神不守舍，竟然遺失手機，摷極揾唔番。身邊秀姑亦緊張摷埋一份，事後問阿叻會否怕流出與老婆蜜照，他笑笑口說：“有好多呀，不過最衰有著衫。”
記：點解會導致不孕？
秀：入手術室時醫生話兩個鐘搞掂，點知最後做咗六個鐘。佢同我講，話㓥開咗至知成個下腹已經發炎含膿。醫生幫我攞（內臟）出嚟洗乾淨再收番入去，佢話我唔死得算大命。其實當時我下半身有好多個器官已經受感染含曬膿，當中包括一邊輸卵管同一邊卵巢，我唞咗足足三個月先出得院。醫生同我講過，有仔女嘅機會好微。其實我有問過阿叻，話如果佢想我生，有朋友可以介紹醫生俾我。不過阿叻話我做咗咁大手術，唔好再揾命搏。
記：因為呢件事，所以嫁俾阿叻？
秀：其實一半半啦。當時住喺菲律賓嘅爸爸媽媽話要同我一齊移民美國，咁我同佢（阿叻）拍緊拖嘛，咁點得啫。於是咪同佢結婚，等爸爸媽媽個心定啲囉！
記：阿叻叫你婚後退出娛圈？
秀：其實當時佢已經好多戲要拍，我又有劇拍緊，試過成個月都見唔到一次，我覺得咁樣好難維持關係。最後事業同家庭，我決定要家庭。
記：阿叻話過俾曬啲錢你，係咪真？
秀（哈哈大笑）：一半半啦，佢鍾意玩股票唔鍾意買磚頭。咁我同佢有同一個股票戶口，咁算唔算俾曬我呢？早兩年因為舊居（九龍塘雅翠苑）住咗三十幾年要裝修，我哋商量買過層新樓，佢同我講話啲錢俾曬我啦，叫我出錢買。我話好呀，點知最後佢話淨係落我一個名得啦。其實間屋兩個都有份住，落邊個名有乜所謂！

冇人性咪無仔生囉 就係咁簡單
唔洗兜啦

自認有 13億精子
對於秀姑不育，阿叻對住記者最初依然不脫牙擦本色：“冇得生咪仲好，嗱！講明先呀，醫生話我有13億活躍精子！”但當記者談到秀姑當年差點性命不保時，阿叻終於收起得戚表情，認真地說：“其實同佢一齊咁耐，佢好清楚我嘅缺點，狂妄自大、亂噏一通。反而咁耐以嚟，佢嘅缺點，我一啲都揾唔到，我真係好多謝佢包容我！”看來只有秀姑真的可以治得住阿叻。
阿叻不介意黃杏秀被指不育
對於有傳阿叻搞這場台慶“大龍鳳”是跟老闆陳國強夾計，目的是要搶收視，阿叻昨日否認傳聞，他並無跟陳國強通電話，他認為熄電視關無線的事，發牌則是政府的事，不要全部拉埋一齊講。
至於有指黃杏秀卵巢含膿而不育，阿叻說：“這是30多年前的事，我不介意不育的標題，我真係冇仔生，有就大件事。我沒有遺憾，亦喜歡二人世界。”

秀姑不簡單
現年 57歲的秀姑（黃杏秀），卅多年前為無線力捧三大花旦之一，與鄭裕玲、趙雅芝齊名。
秀姑出身無線第四期藝員訓練班，拍過唔少劇集，演古裝俠女最為人熟悉，當時更有俠女之稱。數到最大膽演出，非 80年無線劇《風雲》莫屬，當中一場秀姑被吳孟達強奸的戲份，哄動娛圈，反而當年的陳百祥只是無名小卒。直到87年阿叻憑電影《精裝追女仔》才竄紅，見阿叻事業現曙光，秀姑計劃退出娛圈，翌年拍完無線劇《南拳蔡李佛》後，她便全職幫阿叻打理大小事務，做阿叻背後的女人。

利申 殘體字轉返正體 有漏屌細力啲

好彩佢無得生，唔係就真係累到佢下一代

你唔喊唔郁，我咪俾奶你食囉

六點後停止討論陳百祥

點解可以比你條廢柴搶晒啲頭條

醒呀
香港人
Focus 返主線

上天一早知廢老叻係仆街，所以咁對佢

呀叻我祝你有仔送終呀下。

仲以為荷蘭叻係性無能

你點知 譚伯應該有過佢2招 不過都希望佢冇仔送終

其實佢無後對個世界係好事

提名佢拎達爾文獎

你點知唔係

無限中出喎