一口氣追哂Touch同H2 覺得兩套都好正

Touch對主角果隊其他就冇乜描述
上杉達也真係一個打哂
反而唔明點解佢個小粉絲對佢敵意要到咁嘅地步
我覺得安達充描寫達也同淺倉南描寫得好好
最正係佢對感情嘅描述唔會好臃腫
一幕看似日常 下一幕就發生咗啲曖昧
再下一幕又真係可能純講日常
但又唔會話畫公仔畫出腸
好有安達充嘅節奏

H2就對主角果隊好返好多
國見比呂嘅投球都聰明好多 會學啲變化球
野田敦成日會喺棒球場上面問比呂感情嘢
安達充對感情戲嘅鋪排點到即止
搞到作為讀者都專心唔到棒球部份

正呀喂

安達充啲感情戲真係一流

呢個真呀

Cross game呢

仲有rough呢

我覺得h2 好過cross game

我自己最鐘意Cross game

cross game

Rough

神也想看我和英雄的對決吧

基本上安達充都冇乜邊套係唔好睇

mix就己經悶到痴線

咁mix真心悶既 唔知係咪因爲月刊
但之前既 QnA, cross game,打拳 無邊套唔好睇wor
更加唔洗計佢全盛果堆作品啦

如果唔係安達充一早棄咗 而且呢套可能佢最後一套漫畫作品

(只有睇棒球系列, 其他無睇)
H2真係最正
除咗劇情正
仲係手繪年代
Cross Game 已經轉咗電繪無哂以前啲筆觸

同埋Cross Game 嗰時已經講緊可能係佢最後一套

而家MIX完全係不斷消耗緊Touch 啲回憶
仲要經常無劇情推進
鳩up啲日常去拖稿
大佬你已經出緊月刊就好心咪撚拖得咁盡啦

真心 mix成日都重現touch啲場景

H2比賽、愛情丶人物深刻好多
mix完咗先追la佢又要兩對兄弟感情、三角戀

無錯H2全部都係一流
尤其係用返英雄同雅玲用對手角度去寫返比呂
呢樣crossgame 完全無
搞到crossgame 好平鋪直述咁
而且光仔同東喺同一隊就好似比呂英雄同一隊咁你根本唔會覺得佢地會打輸
中後期整咗個三木出嚟面目模糊一啲都唔吸引

我明佢應該係想focus 喺光仔同青葉條線, 棒球只係副線
但係佢兩個嘅劇情又為咗懶係順其自然咁寫到若有若無
搞到無咩高潮位

講順其自然嘅感情比呂同春華吸引好多

見到咁多人中意安達充好感動

周不時會翻睇H2同Cross game

春華某程度上正過淺倉南
但雅玲不了 有少少臭雞
Cross game我反而想光仔同似若葉個女仔一齊

遲來的青春期

不過春華有啲水泡feel 雖然有啲劇情幾sweet
eg.打風同補習社救人

但比呂一直都係最中意雅玲

打風果度真心正
補習社句 I love you 仲癲
春華傻頭傻腦咁好可愛

安達充D友情仲正
ROUGH

相方都係最愛不過太遲，雅玲同比呂點都唔會一齊兩邊都唔想傷害英雄。