不割席福建人 稱若證涉暴 林子峰：捐晒優品股票甚至百億身家

近月反修例示威中，優品360（2360）商舖長期成為被破壞目標，原因是激進示威者直指創辦人兼主席林子峰與北角打人案有關。林子峰在這個風暴期間，罕有接受《蘋果》專訪解畫，反問為何福建社團既有其他城中富豪成員，而全港有120萬福建人，為何只有自己成受襲目標？「日日都諗，點解優品360要被破壞，要受咁大壓力，我真係唔知點解。」

說到激動處，他表示願意押注公司股份，「若果你有證據話我同黑社會有關，我會捐咗優品360股份，冇做過怕乜？我捐晒成副身家都得」。拜菩薩的他，這個月以來一直「問因果」。他直言人生最重要時刻都在香港度過，縱然近日事件發生令他對香港感到陌生，但他沒有移民念頭。

翻查資料，林子峰與拍檔許毅芬為優品360大股東，共同持有75%股權，公司最新市值約19億元。林子峰坦言，「如果你冇做過，（捐）100億都唔怕。」

8月11日，北角一大批疑似福建大漢持械追打示威者，「福建幫」三字聲名狼藉。曾舉行撐警活動的香港福建社團聯會，被懷疑是號召同鄉打人的幕後黑手，林子峰則是該會永遠榮譽主席。他解釋：「作為福建人，喺香港又有生意做下，人哋畀面就請我做名譽主席。呢個職位喺會內有超過200個，好似信和個老細（黃志祥）、香格里拉個老細（「糖王」郭鶴年）……平時唔需要理會務。我都只係捐過一次錢，就係6、7年前加入果陣捐過一次。」

既然是虛銜，何不辭職撇清關係？林子峰表示，聯會只是讓鄉親聯誼，閒時舉辦敬老活動的平台，而且聯會已澄清沒有參與任何暴力，但他隨即「戴頭盔」：「如果聯會或同鄉真係有參與暴力，我係絕對唔會認同咁做。」

激進示威者另一指控，是林子峰本人是「黑社會」。他強烈否認，亦誓言沒有參與任何暴力事件。他不認同福建人等於黑社會的言論，「香港有超過100萬福建人，即係每7個有1個係福建人，唔能夠因為北角打鬥事件，將福建人同黑社會劃上等號架嘛。」

為求一個清白，他不惜「曬冷」以身家作人生最大豪賭，「我唔想因為我而影響公司前途，如果有憑有據，證明我林子峰或公司參與過任何暴力（事件），包括8.11北角打鬥事件，我願意將優品360所有股份捐晒出嚟。如果冇嘅，唔好再詆毀優品360，創辦以嚟，真係冇做過對唔住香港人嘅事情。」

哽咽問為何會受破壞

政府於10月4日下午，宣佈以訂立《蒙面法》，全城怒吼。優品360決定提早拉閘，連續三日休業，有網民分析為「空城計」策略，放任讓人破壞。林子峰解釋，當日判斷社會局勢，估計旗下商舖破壞會擴大，才有這個決定，希望照顧同事安全。

結果，那天優品360單日有逾40間分店被「裝修」，貨品散落一地，「第二日係假期，有十幾個同事自願上班清潔善後，print晒40間舖嘅相出嚟，10幾個同事見到啲相都喺度喊」，林子峰說到此處，亦一度哽咽，「點解360會咁樣，會受到咁嘅破壞，係影響700幾個同事嘅家庭。」

他又說：「食得鹹魚抵得渴丫嘛，係咪先，你就算投資物業一樣會有輸，咁你有做咪認囉，咁冇做，你唔可以夾硬將360同黑社會扯上關係，然後日日去破壞嘛。」

對於同事，林子峰坦言感內疚，「我都想借呢個機會向同事講聲對唔住，佢哋喺前線，最擔驚受怕嘅人係佢。」他稱公司即使連續三日休業，亦有繼續出糧予員工，又承諾不會因為未能開舖而減薪、裁員或要員工放無薪假。

「願與示威者理性溝通」

直至現在，每逢周末「裝修」優品360行動仍然不絕。據該公司統計，截至10月28日止，旗下店舖遭到136次破壞，共涉及63間店舖，損失仍在點算當中，林子峰說這四個月沒有一晚睡得好。記者問，回想這幾個月有沒有事情做得不足，才導致突然聲名狼藉？林子峰說自己一直內歛及低調：「可能第一日出嚟澄清，情況會好啲。」

有沒有憎恨破壞店舖的示威者？林子峰苦笑，「最心痛其實係呢班年輕人，因為呢場活動可能送上自己一生嘅前途。我都後生過，點解唔理性和平去傾，有啲咩唔啱就傾掂佢呢？」他表示尊重任何人合法地表達意見，但不認同以暴力針對私人企業。若社會容許，雙方又願意理性溝通，他會考慮與示威者直接對話，希望說服他們相信優品360是清白的，「民主、自由、包容係香港嘅核心價值，大家係可以融洽相處，我對香港係充滿信心。」

被問到昔日好友「小巴大王」馬亞木及「磁帶大王」陳秉志割席，林子峰不欲多談，只說對於任何人的言論都表示尊重。談到黃藍政治取態，林子峰不予置評，「政府應該多同唔同意見嘅人士溝通，達到共識，為香港尋覓出路，畀香港人過返正常生活。」

優品360今年上市之初，雄心壯志計劃4年新開76間分店，這一刻他仍然希望能按計劃擴張。若「裝修」持續，林子峰仍然會堅守生意，不考慮結束生意或賣盤，「如果香港容納優品360繼續經營落去，我哋一定會繼續堅持行落去。」

自17歲「鄉下出城」，在香港任學徒、創業、結婚、生仔，到有一番事業，轉眼已超過30年，林子峰對自己的身份認同，更多是香港人，他反問：「我所有重要嘅事情都係喺香港發生，你話我係一個福建人定係一個香港人？」不過，這一刻的香港，他感到陌生，但未有移民打算，「因為香港好嘅事太多。」

錢大晒？

佢割唔撚割關我撚事咩

屌那星，見到就作嘔
第一係屯門拉閘唔比學生走報警拉人
第二差佬拉人入鋪拘捕條數點計？

收皮 當年阿信屋老闆過身 記唔記得你講過咩風涼說話

含柒啦 講講講

高調撐警已經抵撚死啦
仲未撚計上次夾埋黑警伏人

你對肥佬講過乜嘢風涼話
我哋係唔會唔記得㗎

x2

x2

反問為何福建社團既有其他城中富豪成員，而全港有120萬福建人，為何只有自己成受襲目標?


<---你報俾我地聽囉

繼續裝修

冇既，講到自己幾慘幾無辜辜咁，自己啲鋪做唔到生意停三日，出糧俾員工好似天大恩賜咁，俾啲誠意，篤幾個真福建幫同鄉出來，米考慮下之後點做囉。

收皮啦，一講到黃藍就唔敢講，又食兩家茶禮

那，如果佢捐哂成副身家比星火，咪證明佢清白囉。

比埋機會佢啦！

宜家先出聲，叫人點信你

即刻捐啦屌你講咁多

可以即刻做

唔使捐，股份啦，留番來做牆紙啦

唔割蓆, 咪篤灰囉
又唔割蓆又唔篤灰就係一丘之貉

同鄉會 當唔當黑社會