【最強黃色經濟Part2】仲講私有化政府?

利申：朋友無Acc ，借Share

朋友第一次開 post 先發現連仔創意無限，資訊一下子難以吸收，相信對好多睇緊連登的人一樣，所以下述歸納了認為相當有用的資訊，希望作為實質行動及策劃的基礎。

由上一個post起 ，已經係打住做實事的招牌，希望大家可以繼續支持落去。

如果有連仔想睇返成個概念是從何而來，可以睇番這個post https://lihkg.com/thread/1683553/page/1



願榮光歸香港

好詳盡 辛苦哂

短期計劃應該唔難做 行動組加油

咁正 唔係唔推比合適人才睇

真係諗得過

首先利申理科人，可能內容未必完全正確。 唔好tldr

我哋依家嘅黃色經濟圈其實好流，除非黃店係自置物業或者市場有黃供應商選擇，如果唔係就好易比咗錢藍絲紅底業主同供應商賺。

香港有嘅係人材，冇嘅係發揮機會，與其私有化政府咁遙遠嘅事，不如眾籌一間(支那用語唔好介意)民族企業，一間真香港人共有嘅離岸公司，一個富可敵國嘅集團。

小學常識都有教香港產業結構側重金融同服務業，但係偏偏金融同服務業就最容易比人揸住春袋，好似國泰、滙豐依啲曾經引以為傲嘅“民族企業”，好快就跪低咗；誠哥就唔同喇，除咗百佳屈臣氏依啲小巫，仲有地產、港口、外國天然氣、外國電訊依啲大巫，百足咁多爪驚閪你共產黨咩。

每一個國家背後都一定有幾間可以支撐到經濟嘅企業同埋集團，而依啲企業都以實業為主，日本有Toyota、三菱，韓國有Samsung、LG，德國有西門子、BMW、Benz……唔舉太多例子喇，我想表達嘅係實業先可以長遠支撐經濟發展，國民支持自己國家嘅企業，企業提供就業同價廉物美產品比自己國民，形成一個自給自足嘅經濟圈(依一刻我哋最少有二百萬基數)。

依一個富可敵國嘅集團最初應該以真香港人為服務對象，之後逐漸擴張賺埋藍絲同埋其他國家錢，回饋返真香港人。業務應該包括地產(供應房屋、鋪位、土地)，輕工業(供應食品、藥品、日用品)，重工業(煉鋼、軍工)，創科(R&D)，組成一條唔洗靠外人嘅供應鏈，日後可以做埋保險、融資等嘅金融業務，進一步擴展市場。

可能太過理想，不過做得到依步唔止黃色經濟圏，香港獨立都指日可待。

舊post搬過嚟，推

組班底未？

其實好多和理非係無連登Acc，係咪要開番個tg group? 上一個post有個話做緊差唔多，佢留左tg link

idea咁好要落力推

萬事俱備 只欠東風 有無海外港人整番個tg group先 大家再衝入去俾意見

雖然知大家今晚關心緊halloween，記得save低post，之後再推，好idea唔可以埋沒。另外，今晚手足慶節小心。

Idea ok，但建議先聯絡現有黃藍店整合負責團隊先，大家有個方法整合做一個database就得，未必要再build多樣野


同埋見你話會投票，我意見係搞運動可以投票，可以集體智慧，但做過野都知，做生意搞project既係唔可以事無大小都投票，咁只會搞到無人肯負責，個個卸膊，進度一定慢，最後集合晒大家意見就會做左舊屎出黎，所以如果用社運名義搞公司有一定難度其實幾個founder有領導力同智慧就得，加油

支持，想幫手

冇錯

上個post有好多高質討論

今個post應該係確立方向和揾行動組
所以都係要推

不過當然仲可以發表細節，如果大家諗到