剛剛分手既你，入黎傾下，大家互相扶持好嗎？（24）

拍左7個月 前日散

當初大家會因為有問題去傾 大家會讓步反省自己來變到開始將問題推晒落我度 又衰在返工好忙 所以都冇咩精神而話我態度差語氣差同惡 話我唔會放低面子去傾 唔出聲一陣同冇emoji又話我冷淡
日常問題不停咁發生 結果因為大前日嘈左次勁
本身諗住琴日傾 但屋企有緊要事同下晝出去同客開會 要準備好多野
唯有食飯個陣message同佢講屋企有緊要事 下次先再講
結果就罵我冇交帶 幾時變到咁 而我一直都開緊會 之後先覆得返
一味係道發脾氣
最後話好辛苦做返fd算 但我一早就講左有事不如第日先再傾都比佢罵冇交帶 而且開會個度星期三都提過 怪我工作間唔覆

其實一路以黎 有咩問題都係我tum 但今次 我真係唔知點好 但我相信呢次我選擇屋企先係最正確

自問一個男可以為佢做既都做晒 想去咩地方都諗辦法一齊去 想做D咩運動都會一齊做 放工見個陣都會準備佢鍾意食既野同飲品比佢 可以既每晚都車到佢返屋企 冇揸車既至少都送到佢shuttle車站 係佢搵工搵到最失意個陣為佢打氣鼓勵 一路教識佢點樣準備好面試 有咩野想知我都會教 唔識搵路睇路況同點做人都會耐心教佢 相信佢都因為我而係待人處事成長左好多 由曖昧到前日每晚都會傾電話 風雨不改 無論我出trip定同屋企去旅行都好

我仲一路都準備緊黎緊旅行呀 生日呀 聖誕個D 仲準備帶佢去睇流星雨 係佢當初話想睇 唔知佢仲記唔記得 所以我都約實佢叫佢個晚一定要留返比我地(但冇講咩事 比佢估) 我個晚仲要係考試10點放之後再帶佢去 但我都想為佢實現我地既約定

呢段係我初戀 我仲係愛佢既 但既然佢覺得我係因為屋企同工作而冇交帶既 咁我真係無能為力 佢話做返fd我都係話冷靜下幾日先唔好咁冇彎轉 如果佢搵我既 我願意再黎過 希望唔好面子同啖氣重要過我好多 我諗呢個係對大家最好既做法 睇清楚想要D咩

我知打左好長 都好多謝睇晒既你地 最後我慶辛我仲有家人同朋友 多謝你地

咁冷靜下先啦
依加最怕大家一野爆就真係88

過來人
Hide埋d coming friend

我果個都係圍內既人

巴打你呢啲係唔咁心
一個月有新仔即係本身都唔係好愛你啦
唔值得你care

錯在你 這麼急於貼服到像奴才
認真正是要害

希望佢會揾返你始終唔係好大問題

拍拖三年拖咗一年，冷靜咗一個月，岩岩同我講分手，但我挽留緊... 我真係唔想放棄，我放過唔到自己，唉