返到屋企扎扎跳咩事都無
嗰晚食完糧懷疑唔適應新餅，開始痾嘔，冇精神
之後第二日朝早帶左去間診所睇，可惜落埋針都冇太多效用，痾嘔繼續
當晚照舊喂電解水，見佢好辛苦好辛苦，嘢都食唔到，試下同佢按下肚仔舒緩吓，佢情況都開始好左少少叫訓到D，但訓吓醒下咁，我唔放心就陪足佢成晚
第三日朝早狗狗起身果陣佢企都企唔到
，就即刻俾左D電解水佢，之後情況穩定返，仲好好力咁周圍望
我屋企人為左穩陣起見帶佢去VMC睇 (我要返學去唔到)，點知個仆街獸醫望兩下，做個小測試就話腸炎無得救，呃我屋企人話好高死亡率，要洗2萬3萬住返5日院仲唔包好返，否則就安樂死，仲話D菌掂吓都會傳染要即刻洗手
我屋企人太錫佢，太緊張，唔識又俾個獸醫嚇窒，一聽到折磨多5日都好唔返，就諗不如俾佢舒服D走上彩虹橋
咁就俾個獸醫帶去第二間房之後VMC話提供咗善終服務，話2個小時後會有通知入錢，點知朝早到而家都冇通知要入數
嚴重懷疑佢根本冇安樂死，只係呃咗我隻狗醫返再拎去賣！！！我冇信心可以追得返隻狗狗，各位有無方法可以追究到
如果佢真係俾個仆街獸醫搞死左我真係好對唔住佢，佢唔應該淨係得2個月命架！！！！大家為左自己既主子安危真係唔好去呢間，VMC除咗識叫人入院同安樂死，根本冇愛心，冇醫德，冇良心！！！！
