請盡量用不推文回覆
Q&A
1. 邊度拎魚竿？ 身上留空位去海邊小屋
2. 點放低木石資材？ 家中左上櫃
3. 斧頭之類點拎？ 家中右下角櫃
4. 一開始點賺錢？ 種蘿蔔先啦，之後賽馬賺第一桶金，儲錢夏天種菠蘿
5. 詛咒工具使唔使全秘銀先刷到？ 唔使，有巴打全1lv工具都刷到
6. 牧草究竟係點種？ 擺一舊喺未耕過嘅田度，四周圍有位無嘢阻住佢就會自己繼續生，但係唔好一開始就放牛出去食，食哂全部就唔會繼續生
7. 基本操作唔識就去睇書架新手教學
賭馬攻略
首先大家計下自己需要幾多馬票：
如果你得細袋（Total 16格），假設你想填滿哂個袋，你會最少需要16 x 9 x 18 = 2592張票
如果你有大袋（Total 24格），最少需要24 x 9 x 18 = 3888張票
如果你仲想買其他野，例如力之果實，你就自己加需要既票數落去
一張馬票50蚊，如果你有5000蚊，你就會買到100張
然後將你需要既票數除返你買到嘅票數就係你需要S/L到嘅賠率
假設你要2592張馬票，你有5000蚊，你所需要既賠率就係2592/(5000/50) = 25.92，換然之你就要26倍嘅賠率啲馬票先夠你用
S/L方法
S/L方法嘅概念係Load出一個滿意嘅賠率表，而唔係一味剩係Load同一場馬Load到贏
我見有啲人Load左幾粒鐘都贏唔到，係因為你係同緊人地隻一倍兩倍大熱鬥啊，Load到瞓著都未贏啦
我地嘅目標係Load到一個好既賠率表，就好似呢張咁：
隻隻馬都係十幾倍個贏既機率咪高好多囉
重點係，S/L賠率表快過你就咁S/L同一場馬好多次
我地既目標係要Load到一個齊集以下兩個條件既賠率表，咁你贏既機會就會高好多：
1：每隻馬最低賠率全部大過15（大約咁上下啦）
2：最少有一隻馬嘅賠率 >= 你要既賠率
當你Load到呢個賠率表之後，應該不出三五次你就會贏到
S/L方法我建議有兩種：
方法一：
1. 18號10點喺廣場入口前Save
2. 入去第一場賠率唔需要理會（因為固定左）
3. 第二場如果賠率表滿意就All in（跳到5），唔滿意就唔落Bet
4. 第三場如果見到有你需要既賠率就All in，橫掂係最後一場
5. 如果贏就恭喜你，輸就行出場地，返到房就Load返個Save，跳到1
方法二（交緊青瓜嘅你，呢個方法會好辛苦）：
1. 16號臨瞓前Save（Save 1）
2. 如果唔洗交青瓜／做其他緊要野，17號起身直接瞓返落床
2.5. 如果要交青瓜／做其他野就做完返去瞓
3. 18號10點喺廣場入口前Save（Save 2）
4. 第一場如果賠率表滿意就跳到5，如果唔係就熄Game，Load Save 1
5. 如果贏就恭喜你，輸就熄Game，Load Save 2（跳去4）
寵物入手方法
1. 扔30日野落女神個湖到
2.然後星期3（一定要好天）朝早出門口就會有個肥佬黎搵你。每個星期3都會在宿屋妹小蘭樓上最埋面間房到擺檔賣野。
3. 每個月15號PM12:30-05:50在廣場擺檔賣寵物
為佐解成就
