[26] 電單車交流區（38）

咁師兄你真係買錯車啦
入大山150好彎過你呢架（好似係

四波高轉都未釘牌？

可能最多俾人扣五分先，以合符車速限制下我諗揸250可以爽得多啲高轉聲

大山去得一兩次，行完覺得條路係supermoto嘅天下

。。。。。。

巴打，我想問，岩岩同台灣仔吹開水
講起我想30歲前環島，但我想租harley或者indian 個d,佢地話就咁換牌就租得，係偷緊雞定堅得?

其實supermoto過彎磨膝係咪可以盡過啡呤？見過台仔個大專比賽公開車種級啲supermoto片得好盡

https://youtu.be/NghGBzJHCgY
不過可能係因為場細先玩到咁？

要睇租車行，不過通常有harley indian 嘅租車公司都係大間，法規上用香港車牌去台灣就可以直接揸車，但通常租車公司都要你有埋個國際牌先會租，同埋唔一定間間都租畀你，去之前建議你pm問下間租車公司先

同埋台灣租26基本上冇其他保險俾你買，由其大車，出起事上黎除左可能要賠維修/零件等費用，仲要俾營業損失，所以記得揸果陣要小心啲唔好揸得咁盡

補充返一樣，因為香港個26車牌係冇cc分類、連同國際牌一齊用嘅話代表你係可以揸哂台灣機車所有嘅類別嘅車種，所以你有齊呢件證件上路係合符法規

國際牌好似點都要整，以前跟過46自駕都有要睇

下年要度

明白，唔該巴打

係因為好多租車行都唔清楚香港同台灣有直接承認駕駛執照呢條法規，所以只要唔係台灣人/冇居留證，當你外國人佢地就要睇國際牌。台灣嘅官方交通法規上就話明香港人用香港個駕照就合法揸車，但一般啲人/鄉郊地區嘅差佬唔知一啲都唔奇

咁呢單嘢又係點？
之前都聽過，不過上次去租紅牌冇問題

我都想知紅牌黃牌泊街係點泊

呢個同你性質差好遠，你係以旅客身份持香港車牌國際車牌揸26， 根據國際車牌裏面寫係唔會有限cc，而fb 條女講佢果個fd係“換領台灣駕照”，即係cup牌。我之前都有話過如果要換到大型重型機車，係需要有證明你以往有揸大車嘅經驗


香港26駕照係冇cc分類，根本冇文件證明到你有揸過550cc 超過43小時，所以只能夠到普通重型機車駕照。反而澳門日本呢啲有分cc制，就可以換到大cc嘅車牌，所以點解我過去台灣果陣寧願話俾錢考多次算，一來我過去果陣仲係掛p，二來就算換都換唔到大cc，點都要夠一年再考，咁直接俾幾百蚊台幣即刻練即刻考好過（但注意依家我呢招極速兩小時即報即考26牌已經唔work，因為依家改左制考路試要上網預約）

係法規上，你要同私家車/3.5噸以下貨車嘅小型車一樣咁泊係啲46格，停車費收費同46一樣，唔泊得骨位。依家早輪改左制好少少，一個46格可以停多一架大cc，可以車頭向前/一般電單車咁打橫放，以前強制要向前泊， 如果唔係會話你泊車唔正確出告票

不過如果你係去食嘢或者住民宿/旅館， 你可以問下人哋啲職員泊邊， 因為如果係人哋私人地而業權方又批準你泊係佢地門口塊地，政府係拖唔到你車， 拍私人停車場前最好就問下啲職員俾唔俾拍，同埋拍邊個位，因為停46呢個規例只限政府停車格，私人就跟返佢地做法，仲有可能有啲私人場唔接受大車泊入去

原來如此，而家清晰哂
唔該巴打

唔洗客氣，講揸車技術講維修保養我就勁廢勁垃圾，但至少講台灣電單車嘅法規同路權，基本上我諗大部份都答到各位巴打

話說頭先你放果條女果張圖我都睇左一陣先清楚佢個case 做乜春，冇計一到cup牌/旅客揸26有冇限制呢啲問題上不嬲都煩

Motogp冠軍都唔識？

車架越軟傾角就越大
但越野車理論上車架係超硬

冇乜留意賽車呢啲，我個人揸26都係輕輕鬆鬆揸果啲，反而就算上網睇26野都係睇台仔26旅遊果啲多

中天新聞，支持韓x瑜最大電視台，仲要成日偷新聞、屈啲揸大車嘅人出事係飛車/片車

MT03現貨5皮好吸引