小弟係第一次出post，如有不足希望大家體諒。
由於最近絲打LorraineC討論關於白虎山之後失蹤後，再出post好似變咗第二個人，所以我決定上星期六去睇下果道係乜嘢地方黎。因為依排比較忙，所以今日先出Post。
手繪地圖
入香園圍村嘅路牌
如果要由香園圍去白虎山行動基地，就要沿着蓮麻坑路行，行到去一個三叉口（請留意手繪地圖）。
我去到三叉口附近地方放航拍影白虎山行動基地。
咁啱係我用航拍機影緊相嘅時候，有消防車行到去白虎山條車路嘅盡頭。有消防員落車，有四個消防上咗山。
由於航拍機咁啱冇電要飛返黎，所以冇影到佢地離開嘅情況，我去都車路盡頭佢地都離開咗。行去車路盡頭時都經過行動基地。
去到車路盡頭果時會見到條山路，有牌寫會通去白虎山定壓池
山路有分叉口，直去會去定壓池，右行會去到不明基地
航拍圖（不明基地同埋定壓池）
去到定壓池附近，亦有小路可以去亦可以看見不明基地
不明基地係迷彩綠色為主色，雖然睇落好似荒廢左，不過入邊有好新嘅警察雪糕筒。
另外，條山路應該最近有人打理過，有打草同噴左殺草水嘅痕跡
以上係我今日見到嘅野，希望有人會多啲關注下，我唔想再睇到有手足失蹤。 同埋因為我淆底，冇行上不明基地嘅路，對唔住
如果有巴絲有新線索可以一齊討論下。
利申：本人熱愛生命，唔會自殺。本人一向係認真嘅人，唔會出膠post。
