有冇山羊座巴絲吹下水(25)

點樣冷暴力???
佢開始冷淡後, 其實我都有積極主動過, 但佢見面冇咩野, 但事後會比之前更冷....好怕會嚇走佢...

明白。
有單獨約會, 但見親面都成日係度禁電話(之前唔係咁)。
咁都有正常講下笑傾下計, 但感覺對我既事冇之前咁上心, 對住我都少左笑容。同埋之前都會whatsapp 關心下我, 傾下閒計, 好多emoji, 但而家冇咩emoji 之餘, 又好少主動whatsapp 我, 有都係1句起2句止。我比較主動多......試過whatsapp 問/ 表達不滿, 但就已讀不回。面對面問, 唔正面回應, 話自己冇冷淡, 有話過屋企有d 事喎...
但佢有時又會偷望下我 (係公司), 所以都唔知佢想點...

多謝你既意見!
我當然都好希望你tip 中, 但我直覺唔係咁...(山羊都好相信直覺吧)
佢成日禁電話係有同人傾計的, 咁點解平日又唔好似之前咁搵下我傾。。。同埋對住其他同事佢好好笑容, 係同我單獨相處時少左笑容, 所以我覺得咁不安...

其實如果我係你，我會問，有時唔係你想像中嘅咁
不過唔會攤牌咁直接，而係會問得有技巧，旁敲側擊咁問
我最近先遇到，後來發現佢擔心嘅嘢其實好簡單，冇我諗得咁複雜

多謝你既意見, 等我試一試, 睇下佢有咩/ 有冇回應.
希望我可以做到, 因為每次想問我都會語塞...
可以問下你, 佢擔心d 咩? 佢都係天秤巴嗎?

雙魚女同緊羊仔一齊

佢處女男嚟，其實佢只係擔心我安全，但我諗多左以為佢唔信我
到佢嬲完同我和好嘅時候佢先講哂出嚟，搞到我唔開心咗幾日
以前我成日比佢話我忍到最後一刻先爆，而佢係啱啱好掉轉，佢都話我地之間有咩唔講得，後來我都覺得佢講得冇錯所以慢慢改緊
我成日同呢度D山羊巴打勸世mode咁講，唔開心唔好收收埋埋，人地唔係你肚入面條蟲，你唔講人地未必知你諗緊咩

咁都好, 你地終於冇事。
其實我都覺山羊係好鍾意收收埋埋, 唔開心都唔講, 或者真係忍無可忍先講...但可能真係性格問題, 同埋唔係咁易同人講心底話...我都希望我可以改到呢點呀

山羊女會成日約你出黎﹐乜私人野都同你講﹐ 但係又會出去flirt 其他人﹐ 咁係乜玩法 ? 係咪比人當咗係水泡/兵 ?

山羊女唔係咁容易打開心扉同人講私人野個喎...只會講比自己好信任既朋友/ 鍾意既人聽。
利申: 山羊絲