作為hkdi既舊生我今日突登去開番個alumni email再開lihkg acc
搞咁多野就係想同大家理性分析你地所謂既假人假cctv
因為我知道唔講清楚你地根本冇心去番個重點度
廢話講完立即開始：
Q：cctv既係真彥琳定假彥琳？
A：睇呢個
https://www.instagram.com/p/B3r9oZ9joHQ/?igshid=1rkg8uxcorg9h
呢個同佢cctv個日既衣著係一樣 估計係同一日
入面acc主人亦講左係彥琳既同學比acc主人既cctv同日片段
亦有彥琳既朋友留comments講左佢肯定片中係真係彥琳
Q：你點知個個真係佢朋友？唔比黑警扮？
A：花少少時間入去個ig post度追下d comments
佢朋友雖然講野好5p feel但所講既野真係證明到佢真係彥琳既朋友
佢亦話已經好多人知道佢既存在唔少人dm佢問佢彥琳既野
佢話想幫手都有盡量答 即使佢人在外國有時差未必可以即時reply
最最最重要係佢2016年有同彥琳既合照
大家就信佢啦好嗎 唔通黑警2016年已經部署定要扮彥琳朋友咩
Q：點解佢個所謂同學會咁樣錄片影彥琳？
A：睇呢個
我個人覺得佢本身未必係專登影彥琳 只係crop左再放大去彥琳個part
就算真係專登影彥琳 我作為一個女仔 身邊都會有8婆中意偷影人講人是非
所以大家就唔好太執著呢點好嗎 加上都已經有真既朋友證明真係彥琳黎
Q：有一個1.55米高既人證明左cctv入面既彥琳根本冇1.53米咁矮 點解釋？
A： 大家請理智d諗 彥琳1.53米呢個concept到底來自邊度？
答案係來自佢呀媽既尋人post:
大家而家即刻去問下你呀媽你自己幾高睇下佢答唔答得啱？
大家理智小小唔好被現有資料局限自己啦好嗎？
我媽都答唔出我真實幾高啦 什至我自己都答唔出個exact數字淨係知自己係一五幾
仲要人地仲係發育時期 佢媽所知既數字都未必update啦
所以大家唔好又執著呢點好嗎 冇意思...
Q：一開始係𨋢裡面明明彥琳有4條帶 之後冇左兩條 佢係咪除左個bra? 定𨋢個段係真 之後個d係假？
A：唉 呢個係我睇到最燥既問題 已經有好多人解釋左好多次係掛頸既証/袋
仲有人唔信會咁"7"掛住個証
我作為舊生可以話比大家知di係好on9的 入某d大樓/通道什至殘廁都要拍卡架
掛住個証係好正常 如果冇衫袋褲袋既話
仲有話前個段係真 之後個d係假既人 你地理智d諗清楚：
搵人扮佢拍係講唔通 要所有有份參與既人都唔會爆響口
所有有份參與既人包括"假彥琳"、所有入鏡既臨記、服飾指導同動作指導 etc
你諗下成件事係幾咁復雜化左
大話kum大話既risk太高 搵個人扮佢要似已經有難度
仲要確保所有參與既人唔會講 難度係好高
所以大家理智d唔好咁陰謀論啦好嗎？
Q：cctv入面既彥琳條眉根本啱同 佢自拍段片明明係8字眉！
A：眉呢單野我搵到個好好既例子
因為講起8字眉我係即刻諗起龍母 成日睇GOT佢講對白時都8字眉
但佢平時好多相條眉都唔係8字眉的
大家可以對比以下佢既相同佢instagram段片
佢instagram段片係全程笑住講但條眉都可以係時8時戚
證明眉呢樣野係好tricky 唔一定話佢係笑緊定講緊野係一定會向下定向上
https://www.instagram.com/p/ByFoDvGFXoB/?igshid=1uvjco6dfgwbw
希望呢個例子可以悉除大家對眉既疑問
另外 由於我acc啱啱先開我預左會冇人信我 話我mon po狗/3毛
如果你地冇人信我而完全冇睇我以上打乜既
你只需要知道我講咁多只係想帶出一個訊息：
focus番係搵彥琳離開左學校之後同除鞋放低個人物品既片啦好嗎！
彥琳除鞋既片段di仲未肯交出黎
亦有di同學帶出左佢除鞋既一刻係好大機會有cctv影到但di冇交出黎
詳情睇呢個post:
我係HKDI嘅學生，想查案嘅全部同我入曬嚟
https://lih.kg/1659142
而且佢d個人物品冇跟身亦係唔正常既事
我自己個人經驗係覺得佢有locker既可能性有d低
一黎佢係YC學生借DI校舍用 未必連人地校舍既資源都會比埋非本校學生
二黎我係DI讀左3年書都抽唔中有locker用(雖然唔知而家locker會唔會多左 我畢左業好幾年)
仲有！！！ 一定要推到有車cam影到佢赤腳離開校舍之後去左邊
佢自己行去海邊跳定有人扔佢落海？
佢到底係點樣由有著衫變成冇著衫？
到底d衫係佢自己除定人地除？
呢d一定要知 係破案關鍵
最後我好想講一個題外話
希望我花咁多時間同大家理性分析後你地真係可以番去講重點
仲有唔好再講話邊個片段既彥琳唔同樣 樣衰左好多 肥左 似大陸哩 冇左氣質 係假 之類
我作為一個女仔 代入彥琳角色如果我死左仲要係咁比人拎自己d相放大再評頭品足
我覺得係好得人驚既事
所以大家乖啦 推番d真係有幫助搵出真相既話題啦 好不好？
