如果有得揀，做護士定社工好？

真係睇你想點架姐
兩份工都係幫人，護士自主性冇咁大，社工大
前者對生理，後者對心理

人工的話如果做到社署，起薪同頂薪都高過RN
始終社工係學位職系，RN係文憑職系，兩者係冇得比
但做唔到的話，NGO ASWO都係高過RN，但SWA就只係EN咁既價

但社工係應該冇咁辛苦
始終係OFFICE工，坐都坐到你唔想坐
同埋普遍會比人尊重多D，唔洗好似護士咁係醫院比人睇低

老師

緊係社工啦
人工高 工時又無咁長

護士冇心唔好做
辛苦 好大壓力

一定係護士啦
護士係有專業技術既，洗傷口插尿喉無人敢比個無牌既人做
而社工係無技能既人，社工做到既野根本文員都做到，入到政府既話就話跟point跳姐，入唔到既話，個牌值幾多錢，出面d機構都唔係傻既

如果社工真係咁廢
點解三十年前已經有學位職位
護士甚至ot pt到依家都只係文憑職位

社工都係政府學位職系中，唯一有3個跳薪點
21歲入去做，35歲就拎70k
護士老師遠遠比唔上

NGO社工人工低係因為LSG姐
NGO既護士一樣係人工低
未有LSG前，社工人工同政府完全一樣

同埋問題只係太多大學開
master畢業人數仲要多過bachelor
搞到質素好參差

咁你解釋下有乜野係社工做到文員做唔到？

真係要講好多wo
入警署見被捕者
文員都做唔到啦
出轉介信 文員出都冇人理架wo

我諗佢意思係社工做既野文員都做到，例如佢覺得寫信/同人吹下水呢d好似好簡單既野，唔洗讀都識

事實係
如果係真係有唔能夠取代既技能，咁應該有唔睇重牌照而睇重能力既私人市場，咁呢個世界上到底有無私人執業既社工呢？有無私家社工行？
我聽過被捕人士搵私人執業律師，真係無聽過有人搵私家社工
聽過有人去睇私人執業臨床心理學家，未聽過有人搵私家社工輔導
醫生護士工程師會計師乜師物師，全部都有私人公司會請，但有乜私人公司係請社工既呢？可能私人老人院有請社工既，係咪出學位薪級糧先？

我諗社工都係因為社會服務有資源先有既職業。而社福界既錢正正係正苦比錢，所以先少見到私人公司。
不過好多社工都係funding位、我諗佢地應該都算係私人公司請，只係去返做公共事務姐，所以咪唔覺囉。
但出唔起學位薪級係on9既根本連自己既行業都唔承認呢個專業啦

咁社會服務本身都唔係奉旨要政府比錢既
教會都做社會服務，但神職人員唔洗政府資助都生存到，點解社工一定要有政府資助呢？
老人院都係社會服務黎，私院都賺錢既，但點解津院既rn同私院既rn人工無分別，而津院既社工高私院社工咁多呢？
唯一解釋就係政府資助扭曲左市場
真實既市場就係唔需要社工

教會好多社會服務其實就係NGO wo
同埋因為一筆過撥款 好多錢都落咗喺啲高層度 （神職人員）
所以變相咪好似唔洗政府資助

同意。一畢業無料到、向錢看入私家或者私人護士嗰啲人害人不淺。

好多教會係靠捐款維持，唔需要靠政府比錢
例如美國有好多福音派牧師上電視講道，激動到痴線佬咁，有人聽完信左就入佢個教會捐錢比佢咁
講經都係一種賺到錢既專業技能

但係社工有無賺到錢既技能呢？
按aswo入職人工約3萬，一個月22日工作日，每日工作7個鐘計算，就算唔計所有成本只計人工，一個aswo都應該一個鐘要賺到200蚊先維到皮
有無普通市民肯比200蚊見一個鐘頭社工？

有架
市面好多private practitioners
你唔太覺係因為佢地好多時會讀多個專業/文憑
eg 表達藝術治療 禪繞畫
但佢地永遠都係搭個社工牌
同埋一筆過撥款下
除咗社署
其他NGO ASWO係得25000左右
甚至更低
事實上我覺得因為心理學家太貴
好多人會退而求其次揀社工見
因為NGO有好多免費服務 所以先令到你覺得社工好似so called賺唔到錢
好多NGO社工都成日爆case 特別係啲做MI嘅
一個人手頭有10個以上嘅case都係常見嘅事

咁賺到錢既技能咪係藝術治療同禪繞畫囉
關社工牌乜事

藝術治療嘅skills 好多建基於社工上學到嘅野

而入得去藝術治療嘅人 10個有9個
都係有社工牌先收

咁醫學都係建基於化學上既野既
醫生賺到錢，咁化學系畢業係咪搵到醫生咁多錢呢

社工都唔係一個只aim at 賺錢的工作
有時候大家無見到社工背後的工作
社工背後幫左幾多家暴、虐兒、精神病患者、青年違法者、老人家、智障人士，無社工呢班弱勢無所依，社會問題更大

同埋香港亦有服務唔用政府subvention

應該咁講
想入藝術治療碩士 有個社工底會大啲入到
同埋教嘅野係有重疊
但因為醫生冇碩士 你讀chem grad
都只可以讀番bachelor
但有chem 底 入番mbbs會易啲
我有朋友真係咁
正如一樣道理 想讀master of nursing
一定要讀science 嘅degree
btw 唔好覆我住啦
一齊出嚟光復香港先啦