我地好歡迎個D覺得開鋪搞防具好易的人自己搞檔收佢皮
記得永遠幫手足最好都係直接聯絡手足,物資直接到手足手, 而唔係經任何中介
又係我地香港自由之書
7月底個陣有KOL話有年輕人出黎無錢開飯,然後有位連登巴打話想交低餅卡轉贈,我地街站就由收集出書用的市民感言變左收集現金券同其他物資去轉贈比有需要的手足, 亦都開始做物資中介
餓住的小朋友入一入黎, 有心幫佢地都可以黎睇下
https://lihkg.com/thread/1382980/page/1
旺角天橋排隊捐現金券予示威者 單日收價值17萬元
https://bit.ly/30IxAyP
好多謝個陣熱心市民相信我地,令我地有機會幫到有需要的手足, 為免有問題出現, 我地個陣街站係一蚊CASH都唔收的, 而個次街站收集到的物資已經係8月派發予手足/相關團體/社會工作者
仲記得個時個陣開POST收現金券有唔少手足都係到話要裝好過, 咁後尾因為做物資中介的關係接觸到國難五金的負責人, 我地就同佢地達成左合作協議, 為左方便唔想親身落去買衫買水唔洗找的市民,又或者身處海外的手足, 佢地同意比我地投資落去, 所以我地之後搞過賣卡同收意見書(偽), 收益就投資落去國難五金或者購買物資 (國難五金係唔接受任何捐款,但接受我地的投資)
[澄清]國難五金課金問題—照舊課！
https://lihkg.com/thread/1521564/page/1
返返正題, 首先多謝9月尾個陣熱心市民踴躍捐輸協助我地十一好好咁賀佢老木
但遺憾地狗隻執法越黎越重手, 前線需要棄裝的次數多左, 而且因為開左學, 唔少後生手足無咁多時間返PT, 所以需要支援的手足有上升趨勢, 但遺憾地最近幾次街站我地收集的量都唔多, 基本上我地資金/文具/現金券都係長期見底的, 所以唯有再開過個POST宣傳下, 當然我都希望係因為多左其他手足搞支援服務所以我地收少左野
另外, 我地都希望比想支持或幫手但又唔知點樣做的人知道有呢個途徑資助文具同玩具,唔洗驚買錯/做水魚買貴貨/承受其他風險,等多D人放心支持呢埸運動, 至少我地擺左唔少次街站出埋樣黎收野, 又同國難五金合作, 比起坊間某D不知名眾籌應該有更高的可信性, 希望可以令到大家放心支持
(我地再次係到強調, 最好的支持方法係直接比前線手足, 而唔係經我地或任何中介)
課金方法詳見我地Facebook Page/ Tg Channel,
我地唔希望捐助完會影響到你地正常生活, 請量力而為,
[我記得第一次收券有位手足用晒佢的存款黎買現金券捐, 千撚奇唔好, 唔該]
另外呢埸好可能係持久戰,需要大家持續支持,而唔係一次性就算
建議大家FOLLOW返我地TG CHANNEL/FB PAGE
如果有需要幫助/有野想捐/有其他問題,可以FB/TG聯絡我地
FB: 香港自由之書
義工一號: https://t.me/codingnoob
義工二號: https://t.me/fightforh_k
TG Channel: https://t.me/hkrevolutiondocument
想支持小朋友但又唔知買咩野好?
推薦超市 唐記 M記 八達通 , 太興呢排多左家長買, 但一餐平均70,80蚊, 我地覺得唔太實用
另外迪卡儂的GIFTCARD都可以
另外跪求幫手推下POST,等我唔洗推得咁辛苦
多謝各位手足晒時間睇呢個POST
香港人, 反抗!
歡迎經過的話黎同某位義工講聲生日快樂, 但千其唔好買蛋糕黎
