［正視聽］831太子站 都幾肯定100人沿路軌走佬係炒車

有100個人進入路軌逃生絕對係蘋果炒咗車！

喺我眼中呢個講法絕對同地平說一樣咁荒謬

睇返蘋果新聞入邊個「他說」個講法係點：

有僥倖從現場逃亡的前線抗爭者憶述「浩劫」經過，稱「防暴（警）衝入車廂，見人就打，市民都打」，他與百多人最後唯有經鐵路路軌離開，當中不少人更已受傷，要由其他人抬走，但由於沿途「全部站都落晒閘，擺明唔俾（畀）我地（哋）走」，最終他們逃步到其他車站「爆閘」離開。

【逆權運動】逾百抗爭者太子站黑夜路軌逃亡 生還者：根本係7.21翻版
https://hk.news.appledaily.com/local/realtime/article/20190901/59997068

1. 當晚無差別打人嘅係速龍，我當佢口誤。

2. 抬一個成年人行1.5公里、摸黑、悶熱嘅隧道底，沿途仲有哨兵探站，體能上我當輪流抬頂到，咁時間上要幾耐先得？
（照文意佢哋嘅講法最少行到第三個站先脫離地鐵系統，最短距離係荔枝角，大約1.5公里）

3. 落哂閘有重兵，點會無人發現個哨？
推幕門上月台有alert港鐵嘅人會知、月台上大堂有狗一定會見到、過埋大堂行到樓梯口先見到有無落閘架啵師兄

如果個哨可以咁大模大樣行到樓梯口，點解最近個站唔爆閘走呢？ 要知道摸黑行最大嘅難度係在於「未知」，行多一個站嘅難度係幾何級咁上。

點解要摸黑 電話唔是有電筒咩
佢話「抬」 但好多時你扶著個人行都會話「抬」 所以我覺得唔需要著眼係呢個位到

唯一可以FC既方法係問返蘋果個消息來源.....

啱啱諗到，入路軌走呢個講法有另一個荒謬位。


因爲有紛爭，太子站月台兩邊都泊咗車，以當時嘅情況，荃灣綫同觀塘綫每個站嘅月台都會停泊咗列車。

要港鐵清客再調車走，絕對無可能係短時間內完成，即係要經過兩個站以上就必需要全員行上月台再爆幕門落返路軌，仲要車長一定會見到，車長一定會報上去，港鐵喺明知有人進入路軌嘅情況下一定唔會行車，但係速龍襲擊完之後係有行過車。

電話嘅光度好弱，如果有間大少少嘅活動室，可以喺夜晚關燈體驗一下，個感覺就好似玩Pokemon（舊版），無閃光嘅情況入山洞咁。

除非有10人以上帶咗電筒，唔係嘅話電話led係唔夠。

推

仲諗依樣做咩

麻煩幫手推post，唔想俾假消息充斥連登

有好多人因為呢單嘢被帶風向，又講到啲人入咗下水道又盛

正視聽之餘推下行動post，
今晚遮打見

正路

正路應該最多人走過對面車，即係果對情侶俾狗噴椒果架。

有手足遮陣換埋衫，時間應該幾充足，其實未急到要由路軌走，無「三角匙」係無辦法開幕門。

港鐵都無報告月台幕門被破壞，所以幾肯定無人落去

來源就係有個人連登開post講😂

應該係蘋果出新聞先，再有人開post打。
我見到［喊住打］果個post覺得已經失控，地下設施唔係咁樣互通，但手足已經跌咗落去陰謀圈

我係其中831比狗咬既紅色傷者
當日比畜龍禁低五分鍾左右 兩邊車廂都滿哂人之後開車走
期間唔見有人係車廂入面開門走

其實兩邊月台泊咗車，要落路軌只有頭/尾，往駕駛室果度玻璃幕門。

多謝你！
辛苦哂手足

無報告爛到，太子站9月1港鐵報告只係爛咗3支閉路電視鏡頭，根據立場報導，係同一層。




我印象中第一度爛嘅月台幕門係喺藍色線，好似係灣仔站，仲要係中間位置，太子站應該係爛月台幕門。

我第一次睇已經覺得奇文(未停哂鐵，有車係路軌，就算停哂d車都要返廠)
之後又無跟進，其他媒體又無講過


我念蘋果知道炒左所以冷處理。
我地應該一齊幫手冷處理算啦，唔通要人話自己fxxx news. 蘋果係我地朋友黎，係咪？

我最唔明嘅係，當時點解有人老作編咁嘅嘢出來。係咪無聊惡作劇拎爆料＄

MTR隧道通風好好，咁多人輪住抬都仲得，依個世界有樣野叫智能手機，其中有個功能叫手電筒，我就有，我唔知你有無，重兵係哂太子旺角，每條隧道都有緊急逃生門直上地面，月台都有

有無入過MTR隧道做嘢呀

鄰近露天段例如東西鐵、東涌線都可以，荃灣綫葵芳站附近都接受到。

但太子站鄰近幾個站都係全地下隧道，淨係靠抽氣扇，就咁行都會有啲焗。

100人同時喺隧道急行2公里嚟，路面行都講緊20分鐘，有傷行路軌？

如果無電話直線100米都行唔到，但有都唔夠光，有落過去路軌嘅一定好清楚無電筒得電話係唔夠照

長嘅隧道安全考慮會喺中間每隔一段距離就有一個逃生門，但太子附近幾個站咁近應該無。

同埋事主講過係用「站」計，個個站都用哨探過落哂閘。

其實要行隧道走，長沙灣站、荔枝角站同美孚站嘅兵力應該差唔多，點解最後要行去美孚？

要行其實有腳就行到，pokemon唔用閃光都唔一定過唔到山洞嘅，但係可行性同風險問題啫。

我最早睇到係連登，應該9月1中午，唔係太夜時間

突然間咁多post 話炒車？

其實我幾相信樓主無講大話

但有幾點要講：

1. 發夢嘅嘢就算朋友都未必知，所以唔可以否定你朋友有發夢。

2. 無發夢亦唔代表安全，而家班狗玩白色恐怖，831太子如果有死人，我相信應該夾雜咗無政見嘅街坊。

3. 你覺得有可疑，連登仔覺得有可疑，兩者嘅目標一致，都係唔想你朋友死得不明不白，其實你無必要阻我哋追查。

4. 如果唔係黑警做，查落去，警察一定會介入，到時為咗令連登仔炒車，啲狗一定落哂力鋤個真兇。

結論係，除非有證據證明佢係純粹死於意外/真自殺，否則你都應該俾連登仔繼續查，咁先對得住你朋友啵

我係陳彥霖由細玩到大既朋友 你地愈吹愈大 我好撚嬲
https://lih.kg/1648090
- 分享自 LIHKG 討論區

同樣理由，我要831真相，就唔可以眼白白睇住啲怪力亂神嘅吹水post洗走啲整理分析post