1. 今晚係久違既和理非回合,只要齊人坐喺度就有效果,希望至少都塞爆遮打花園。呢個要拜託大家繼續努力。
2. 禁止蒙面規例係適用於合法集會。我相信警察唔夠膽入黎遮打花園拉人,但好可能會喺中環黨鐵站附近搜查蒙面既人,所以大家黎同埋走既時候要特別小心,唔好搭黨鐵,同埋及早規劃返屋企既路線。
3. 承上,關於蒙面法,主辦方有責任提醒大家唔好蒙面。但我亦同時提醒大家,宗教同健康等理由係可以豁免。我亦建議有需要人士準備定相關豁免理由既證明。
4. 我張不反對通知書有效時間係三點至十點半。集會正式開始時間係七點。我歡迎大家早少少到,會有嘢比大家幫手。至於結束方面,基本上除非遮打花園變成戰場,我都一定唔會腰斬集會,提早結束,確保張不反對通知書繼續生效。
5. 我知道大家都好想參議員出席,但兩位議員應該要趕返美國準備會議,不過我相信佢地都會密切留意住今晚既集會。
總之,今晚七點,遮打見!
![](https://na.cx/i/GXw1Ra4.jpg)