拎去車房驗車

擺低驗車求合格

因為擋風玻璃有裂
一定要換埋先至可以合格

請問一般車房係咪唔包換擋風玻璃？
要自己換左先去擺低車房？

自已去驗啦，有咩問題再跟住個list整。返驗都係比多180

你肯比錢車房咪幫你換囉
不過來料係點就自己諗
陣間人地收得你貴又話貴
收得你整得唔好又屌鳩人
換玻璃好閒架啫
出面搵果幾間出名玻璃鋪換左先
你自己比幾多錢去換自己受返
唔洗屌錯人

個人覺得，除非你好多嘢唔想整，
又有啲一定肥嘅改裝唔想拆…
如果唔係俾多兩三倍俾車房搞驗車係嘥錢又多餘。

我有啲普通改裝，車頭有啲喉改裝，火咀線又改裝，唔係原廠碟，礸孔加𠝹坑…
次次都係自己揸去驗，不過來回等要嘥幾個鐘…

你自己揸去驗 係咪要去d相熟驗車中心先至過到骨

我只係揾近自己嘅驗車中心
呢幾年就去土瓜環同九龍灣嗰啲

驗車中心除咗驗車先會去，又唔係有咩可以買
就算同一間先一年去一次，又唔識人做驗車
冇咩可能有相熟🤔

你熟唔熟自己架車嘅情況？
我唔係做車房所以亦唔知驗車有咩標準,
不過有啲都係就咁理解到嘅嘢…
廢氣超標，玻璃有裂痕，
車頭車底有零件鬆…有明顯滲漏
呢啲都一定肥。

至於改裝就唔太清楚～
不過例如大尾翼，條呔突岀車身…
用咗左軚燈令燈影唔啱…
改剎車…鼓剎改碟剎
都係會肥。
但聽過有人改AP鮑自己揸去驗都過..

如果有以上問題，都唯有俾車房驗
但點解會車房驗到，自己去唔得就唔知啦
都好想知～
不過我估，有啲車質素差啲，
就係同你扭返實啲嘢或黐住先，
漏油就驗之前凍車同你清一清再慢慢揸去驗…

所以如果唔係多改裝，車質素唔係太差，
都不妨自己去驗一次，睇吓有咩過唔到，
過到就當然好！
過唔到又唔想大整，咪淨係整過唔到嘅嘢。

改鮑魚都照驗到因為係直上唔洗搭橋
搭橋一定肥

換咗中控唔知點抆fuse係咪可以貼塊紙皮上去？

車cam係咪甩power就得？要唔要抆fuse

Thx

中控長着mon貼黑佢保險啲.
不過個畫面唔太光同唔郁應該冇大問題.
車cam甩power都係穩陣啲.
試過一次佢甩我條power線, 其實我已熄唔會自己着,
又除埋我軚套
但其實其餘次次驗都冇人搞 !
所以啲標準好忽

有條粉腸俾負皮又冇建設性意見係想點

查實車房鬼驗有幾鬼？
最近架bb想換Audi 燈，但我個前包圍好難甩
年年驗車搞一次都幾煩

請問 早排俾前車車起粒石仔 撞lup左1cm x 0.5cm既擋風玻璃 無裂紋
咁我唔補佢係咪一定fail 驗車？

淨係一粒石仔凹左 無裂痕唔洗補 我另一架車早排都pass到

golf 想換淘寶車頭流水燈，會唔會過唔到

玻璃有裂痕應該一定過唔到.