呢個故事未必幫到你溝女，但會令你做返自己

無可否認外表係會加分
但唔係一切

唔知道樓主幾歲，你諗嘢幾通透。你亦好清晰知道自己想要咩，同埋做緊咩。見到太多外表、衣著打扮、身型都幾outstanding嘅男人，後來麻木曬。美麗嘅皮囊係bonus，係優勢，但唔係全部。反而見得少嘅係有思想嘅男仔，睇完你所有回答，幾欣賞你。

會起埋一齊 要有的激情
但一段穩定ge感情係要舒服

如果每次拍拖都要花時間心思好緊張好在意自己係對方心目中會有咩印象 其實一的都唔舒服。

我地每日面對唔同ge人 每日帶住唔同面具。
唔係我已經唔care自己個樣同個性，而正正因為我知道 我無論唔化妝，個性幾自卑 都無損我係對方心目中ge印象 我先可以做返自己。

我曾經都好care 衣著打扮
亦試過毒撚look
最後發現 以前我太在意人地點睇我 我先要打扮
後期直接放棄左自己 變毒撚。

而家我都會打扮 但呢樣野對我黎講 唔係為左吸引某某
而係一種態度

一個女人令我去學追女
但學完都係失敗
另一個女人 係無限失敗輪迴救返我出黎

所以生活中所發生ge事 係睇你用咩角度去睇
如果呢刻我仲係用一個loser 角度 我只係會覺得「女人都是仆街」 但正正因為呢種 不甘心令我明白到
溝女你先不要害怕比女人認識最赤裸裸ge「你」

你冇可能一生成就「學識」 自卑/自信

True.
同時間只有做自己先會真係遇到合適自己嘅人。一直戴面具，除地果一刻，所有嘢化為烏有。同埋放得低面具，就代表接受到自己，其實係愛自己同珍惜自己嘅第一步。自己都唔識錫自己嘅，又點會真係識錫人。

你外表性格係生成嘅
就慢慢決定埋你自信/自卑

的確外表係生成
但我見過好多靚仔都可以自卑
兩者冇關係

點會冇關係
靚仔自卑少數例子無謂講。
自信毒撚都好柒

我應該再講得準確一的
「你覺得 自信/自卑 ，完全係同樣貌掛鉤？」

又唔係嘅