我對上一個係初戀,拍咗年半,但最後因大家性格不合好辛苦而分手,但分手分得好不愉快,有大吵大鬧咁
但係我知我初戀好愛我,我地都有過好多好sweet嘅回憶,同佢一齊面對面嘅時間真係好似有粉紅色filter 係你眼前咁
但其實我地成日交嗌,我當時真係每日都好頹廢,總覺得對方終有一日會離開我,每次得我自己一個靜落黎,我總覺得我地大家都好唔適合對方,最後都係分手收場
分手後過咗一陣,其實佢同我好快都有新嘅對象,至今已經兩年幾了,我嘅另一半一直對我好好,大家都好愛對方,但係我就總係係某啲日子同時間會記係個ex,個心硬係有種好酸好酸嘅感覺,我同ex分手之後一直冇見過面,記得有次搭巴士經過個站以為見到我個ex,我第一時間心跳加速有啲驚,我未到站就落咗車望下係咪我個ex(好彩最後係認錯人),之後我冷靜落黎後突然覺得我有啲衰,我而家自己都拍緊拖啦,點解仲會成日諗係ex。。。
我咁樣係咪好仆街?
同埋我發現我第二次拍拖冇初戀咁有期待感,初戀果陣會特登做好多嘢氹對方開心,但而家真係好少花時間同心機
有冇人同我情況差不多。。。我有咁嘅諗法係咪有問題。。?
Sorry有啲長