懶人包：
1.重點係感謝同慶生 比上面睇到十一同雙十既差別 激死佢
2.行動方面標語、文宣、言行比旗重要
3.台灣既問題交番比佢地內部處理 我地唔好幫人決定！
4.盡量避免衝突 冇人想自已生日會周圍tg 宜和理活動 如唱歌、快閃等
5.唔好舉錯青天白日旗(國民黨黨旗)
小弟曾係台灣讀書，亦有長期留意台灣時事，對於藍綠兩政黨有一定了解。
見到好多人討論青天白日滿地紅旗定台獨旗，究竟會唔會變左支持韓國瑜之類 所以我都有問台灣朋友意見。
佢哋係覺得其實當作幫朋友慶生就好，因為佢地本身都未有共識，我地作為外人根本唔需要幫佢地決定
（台灣現狀：青天白日滿地紅旗作為中華民國國旗係唔被國際認可，比中共打壓得好慘，而據我朋友講即使內部有唔同意見 但在外見到依支旗基本都唔會好反感，睇台灣人在外攞國旗周圍旅遊影相就知）
所以聽日既行動，旗既話各種都有少量（青天白日滿地紅可以多啲，但太多搞到變左旗海就會好似韓粉）然後重點係標語 重點係標語 重點係標語！！印多啲文宣寫「謝謝台灣朋友一直支持」 「謝謝台灣」「感謝民主路上一直有你」「台港友好」之類，台灣人就會明白意思。
忌：
1.過於強調中華民國，上面都解釋左，佢地內部都有爭議，所以唔好過份強調。
2.文宣寫台灣變成反共/反中連線，同上，台灣人內部都未有共識，所以外人千祈唔好幫佢地表態，有啲野心照就好。
3.避免提及台灣白色恐怖，白色恐怖時期算係台灣人心中一個好敏感既點，睇最近套戲「返校」係台灣既評價就知，所以我地外人千祈唔好提。
4.聽日盡量避免衝突（尤其裝修），因為冇人想自己生日會周圍tg，要強調同十一既對比！
而且雙十台灣人放假，有部分都會黎香港玩，就唔好請人食tg啦
（我都知道好多時候係狗先做野，所以都係話「盡量」）
5.要分清楚青天白日滿地紅同青天白日旗既唔同，唔好帶錯旗!!
[url]
[/url]
而關於聽日既文宣 行動po就麻煩巴打係下面補充 亦可以去雙十TG GP睇
