和理非戰場－面具人鏈
外國嘅人好幸福，一出世就生活係民主國家，有部分人根本唔會明點解我地爭取民主要用裝修、神獸（唔好高估外國人嘅智力，佢地睇野好表面）。
有位巴講得好啱，我地之所以漸漸少咗國際支持，係因為和理非戰場越來越細。冇和理非嘅活動吸引佢地嘅眼球，餘下嘅只有神獸同裝修。
咁所以，我地可以搞返個面具人鏈，表達我地不畏反蒙面法，不畏極權嘅精神。
人鏈活動一直都比較少人被人拉，比起遊行更適合一家大細出席
而且我地日日遊行，係外國人眼中好悶㗎。要有多啲gimmick佢地先會重新關注。
時間、地點我唔知應該點定
，但如果真係搞面具人鏈，我地可以帶上自製嘅四川面譜、facepainting、動物面膜、超人、Mario、多啦A夢、V煞⋯⋯冇嘅話純戴口罩都得，不過口罩上可以畫野。總之約精彩越好玩越好我地依家好需要一個嘉年華式抗爭去緩和下大家嘅情緒，同獲得國際認同。好似之前雷射革命咁。
如果各位手足覺得呢個建議ok，就開多另一個po去講時間地點啦。
（大家都要考慮一個問題就係，面具人鏈會唔會被狗拉，如果會嘅話⋯⋯都係諗諗先。畢竟expect一家大細出席，怕會全家被告）
p牌求推
