佢而家推蒙面法根本就係火上加油仲要選擇星期五公布 目的只係想令情況更加亂等佢有藉口用緊急法做進一步嘅行動 例如戒嚴 驅逐某啲人出境 收某啲傳媒皮
佢為咗達到呢啲目的示香港市民仲有黑警條命係踏腳石
佢明知推咗呢條法例情況會更加惡化都仲要推就即係將你班黑警條命推去懸崖邊 依家兩方面暴力都越嚟越升級 有人死係遲早嘅事(當然唔希望有義士死) 冇錯我係黃c
不過我都想同你班黑警講幾句 雖然你哋啲行為真係好仆街冇人性 但係我真係好想話比你哋知 777根本唔當你地條命係咩一回事 以佢呢種心態 隨時都會出賣你地
好簡單 等有第一個黑警死 用呢樣做藉口出解放軍
到時你哋就係condom 解放軍嚟到佢哋就唔再需要你哋
如果解放軍可以唔理國際社會點講順利用武力鎮壓解決到呢件事 咁你哋好彩唔洗做condom
但係如果出解放軍仍然都係膠着狀態 呢個咁嘅黑心女人隨時會應承成立獨立調查委員會 用呢樣同埋研究實行普選做條件平息今次嘅事 首先解放軍嚟到佢哋已經唔驚你哋反抗所以可以隨時做棄子 第二 呢個女人明知係推你哋班黑警去懸崖邊都要推蒙面法 你就知佢唔當你地係咩一回事 佢絕對有可能犧牲你哋成立獨立調查委員會
最後我想講 呢件事已經就嚟四個月 我的確好撚憎你哋班黑警 但係我更加憎嗰個唔承認自己錯誤 到今時今日都仲覺得自己係啱哂 示我哋香港人條命係垃圾嘅女人
我希望你哋可以醒下 你哋前線絕對有能力俾到壓力你哋嘅上級 呢件事一定要政治問題政治解決 好應該俾返個波777
香港人嘅自相殘殺已經夠架喇
仇恨只會增添仇恨 我知咁樣講好左膠 但係繼續無止境落去 最後只會有人死 可能係10幾歲嘅小朋友 又可能係有一家大細嘅黑警 我真係唔想見到咁樣
你哋放咗工都只係個普通香港人嚟㗎咋 如果你唔小心殺死左一個10幾歲嘅小朋友 呢件事會跟你一世 可能嗰一刻周圍嘅人都會讚賞你話你做得好你亦會覺得自己做咗一件啱嘅事 但係當呢件事完結嘅時候你諗返起自己殺死左一個10幾歲嘅小朋友你真係會覺得呢件事係啱咩？希望你哋醒下認清楚呢個女人嘅真面目之後想同咁多位義士講聲 無論點都好千祈唔好去到殺人嗰步 我明白呢幾個月大家都好憤怒我都一樣 但係殺咗人呢個陰影係會跟你一世 而且解決唔到呢件事 始終要解決呢件事嘅人唔係黑警亦都唔係我哋
係你呀！香港特別行政區特首虔誠教徒林鄭月娥！
多謝你哋花時間睇晒
香港人加油
