連登越黎越多分化撚，我地維持到4個月就係不分化，不割蓆。大家要知道，以裝備計，真係冇可能打得贏黑警。當打陣地戰既時候，眾多手足留守都唔知做乜，又唔知幾時散好。
其實之前講就講18區，但實際上都知道人數真係未必做到18區。
我小小建議，快閃輪流5區[。當日或者前一日先係連登／fb公佈，等黑警完全調唔切人。
和理非就係準時集合，而勇武手足就遲15－30分鐘先去快閃裝修，噴野。
每條街最好剩係留15分鐘，做完野就即刻換衫。切忌戀戰。
和理非就幫手睇水再加傘陣。
有黑警就即刻散水，切勿再打陣地戰。
5區分布建議可以港島一區，九龍一區，新界東一區，新界西一區。然後隨機再揀多一區。
例如抽到天水圍時，元朗，屯門，呢幾個比較接近既區，可以互相支援，又可以keep到一定人數同時手足散水時都更安全。
香港人，反抗。