連登細檯
2019-10-06 15:23:34
首先,我覺得人權民主法案只不過係貿易戰嘅權益之計,就算總統簽署,一旦傾掂數就會低調處理,唔會好似理想中咁大制裁。另外,法案嘅實際推行亦係問題。要知道,係美國歷史入邊,南北戰爭之後其實法案上邊黑人係同白人平等,不過實際上要等到二戰後,馬丁路德金時期美國黑人先算係真正嘅平等。
第二,美國參眾議會係一個好低效率嘅系統,要好快速咁通過人權與民主法案係沒乜可能。就算有議長等人支持,要說服議員通過都係好難嘅事。而且就算議員通過,Trump有政治考量係可以拒絕簽署,一旦拒絕簽署,條法案就會打回頭「壽終正寢」,要議會大比數投票決定先可以重新再拎去議會從新討論,係多數情況係唔可能發生嘅。