因為而家蒙面法已經好多鑊！！
好多和理非或者跟得冇咁貼既人可能唔清楚
我都係尋日睇電視，估唔到今日就過。
篇文有D長，但希望話比大家知點解要反抗，而家就講有幾嚴重：
淺黃或者和理非可能覺得蒙面法只係一條法例，甚至一D號稱民主既國家加拿大都有啦，呢個就係建制派最中意用黎說服人既例子，連當年新東補選周浩鼎都舉呢個例
事實上呢個係一個唔合理，唔公平，唔安全既暴政！！
1. 人地加拿大只係禁止暴動情況蒙面，有保障合法遊行集會蒙面既權利。而香港直接禁止遊行集會蒙面，而且仲會隨便反對遊行申請，胡亂定性暴動，係唔合理
2. 人地警察執法都有騙號記認，而且唔會蒙面，而香港係單純針對市民，係唔公平
3. 人地對個人容貌有高度私隱保障，任何人包括政府機關，冇本人授權或法庭手令都唔可以隨便攞個人影像使用。而香港完全冇得相提並論，藍絲中意影你就影你，警察中意拉你就拉你，警察攞港鐵既cctv只記錄有利自己畫面，我地就連港鐵既cctv攞唔到，唔安全
4. 黎到大家最關注既緊急法，就係加拿大過蒙面法係經國會審議，而香港係用緊急法直推，冇立法程序可言，只係一個徹底既暴政
你能夠接受一個既荒謬又偏袒而且危險既暴政嗎
除非你可以永遠逃避問題，如果唔係你必須面對。
反抗必須要有理據先堅定，希望能夠成為你抗爭既理據，堅持到底。
江山易改，呢頭話16號復會動議撤回送中法。
無中生有，而家就用緊急法正式推禁蒙面法。
所以唔好再明日乜乜乜啦。
香港人，反抗！
