各位好,以下內容係我朋友嘅朋友嘅想法,希望你留低,聽下前線想你點樣幫佢同保護佢。內容已盡量精簡。
一、勿捉鬼
相信大家都知道,現場有各式各樣嘅鬼。鬼嘅工作除左㩒低手足之外,仲會跟住小隊行動嘅手足,等佢地行動完、換哂衫,跟到返屋企。務求一網打盡。
咁唔係更應該捉鬼咩?唔係,因為我地每一次捉鬼,都會引黎極大注意,甚至有人會大叫記者,或者要手足除臉罩睇樣。如果手足唔理,在場人一定起哄,又打又鎖。如果手足千方百計咁說服大家,佢係真係上前線。咁對住跟尾鬼黎講係一件好事,大家一齊幫啲狗鎖定左勇武。
所以現場唔好再捉鬼,有懷疑嘅,儘管跟佢上去前線,睇下人地做緊乜。另外向其他勇武講,再有人捉你地鬼,請立即中止所有行動,留係原地做和理非,唔好上前線。因為你已經引黎極大注意,極可能被跟蹤,上前線嘅事後被捕風險係倍增。
二、勿歡呼拍手
承上,勇武唔能夠引人注意,但同時需要人群保護。請各位見到勇武,唔需要拍手掌同歡呼,一個眼神已經足夠。
其實做得勇武,預左係無名英雄,唔需要歡呼聲,需要嘅只係人數保護同提堂有人陪。所以如果大家都想俾到佢地榮耀,可以去聲援、係其他地方寫低你地想同勇武講嘅嘢,佢地未必會應你,始終低調是一切,但肯定會睇到。記住記住,勇武係需要低調,我哋要一齊幫佢哋低調。
三、混洧視聽
大家都應該見過勇武嘅個身裝束,一直叫black bloc係想啲狗分唔到邊啲人係前線、邊啲人係後勤,增加刑事舉證困難。但如果大家出嚟嘅時候,只係着一件黑色衫,二唔係裝扮到成個勇武派咁,咁就會失去左black bloc嘅意義。請大家下次出嚟嘅時候,一齊着冰袖、用腰包、rain cover、黑色長褲、戴帽著風褸。
四、帶物資進場同幫手即場製作
見到盾係唔係好興奮呢?見到魔術用具係唔係好雀躍?其實呢啲都係要用好耐嘅時間黎準備嘅物資,準備嘅人風險好高、使用嘅人風險更高。但係呢啲物資只不過係一啲好普通嘅材料,紙皮加保鮮紙再加索帶,已經可以做盾。煙彈都係錫紙同乒乓波,大家都可以帶多啲黎!如果現場冇嘅,唔好不停向後叫,應該分散去搵、去買,然後自發地製作,咁樣先可以減輕前線嘅負擔。
講到呢度先,可以嘅話幫我推推