為暗瘡印而設嘅除疤膏？

各位巴絲，小弟暗瘡問題嚴重，臉頰兩邊，鼻同嘴唇中間，嘴唇下，下巴下面Ｕ字位都成日生暗瘡，好多時洗面時會整損，或者真係忍唔住要吱左佢，所以依家好多暗瘡印．．．

有冇有效嘅專為為暗瘡印而設嘅除疤膏推薦？小弟面已爛咁制．．．

可以試下 the ordinary 呢隻，我覺得去印幾好。ASOS 網有賣$60左右

睇醫生先
佢可能會開抗生素/A酸比你
跟住叫你唔好用護膚品 皮膚好乾先至茶cream
最後暗瘡生少左再處理暗瘡疤

淨係除疤 但係暗瘡不斷生
係解決唔到問題

利申 以前都好似你咁 淨係想除疤 拖左好耐先睇醫生

多謝絲打推介！

如果搽左落仲發緊既暗瘡度會點架？

要等到佢徹底唔腫先至搽先有效？因為面上多到唔知點分．．．

多謝巴打回覆。

我以前都因暗瘡問題見過幾次醫生，每次佢都係開黃色消炎藥膏畀我搽就算。唯獨是一次，佢應該係開左巴打你所請既抗生素我食。

當時食緊時真係連半粒都冇生，因為太耐之前唔記得塊面係咪好乾啦。但係食完個療程之後一牌，又再生番。之後就再冇當一回事因為反正都生，已經唔想理

但到左近牌，當然我夜訓，同埋飲食可能唔係太均衡（唔食煎炸野肥膩唔飲汽水每日有食水果）係絕對有關係，但係真係生得好勁，而且９９％都係會留印．．．無論係大、細粒有膿，定係紅腫大既瘡．．

但我冇理由係咁食隻抗生素食到死果一日掛．．？配藥錢都算喇，食到有咩副作用或其他毒素等等既話就真係．．

我係絲 因為係過來人先打咁多字

曾經因為係咁生瘡搞到好無自信
後來食抗生素改善左好多
之後又生返 但數量少好多
我望住啲凹突洞 就的起心肝去睇多次醫生
頭一個月都繼續有生瘡
我都懷疑有無用
食左3個月 直至醫生話唔使覆診

我去睇既醫生係話抗生素無效先開A酸
咁A酸有副作用 要keep住測肝指數
但我諗你都唔想留成臉凹突洞？？

紅腫大瘡果隻一定要佢代謝 局部茶暗瘡膏
否則會留紅印+洞（我塊面就係因為咁 有洞

其實要用水楊酸代謝臉部粉刺
咁就可以預防佢發炎變成暗瘡
但你依家成臉暗瘡
就唔好買酸類產品住
問醫生拎advice 先
咁你唔信之前果個醫生 咪搵第個囉

照絲打你既話黎睇，你見左兩次醫生，私家醫生，佢兩次都開同一隻抗生素你食，你食左3個月，就完全冇再生暗瘡直到依家，仲冇哂所有以前既暗瘡印，係咪咁理解？

Medicube red erasing cream

不如你去睇醫生好過亂買藥膏。
但都要有心理準備，目前醫學美容技術冇可以百分百變平滑，只係有改善咁。都有啲口服藥物令你唔好爆咁勁。
記住係睇醫生唔係叫你去美容院

過來人，女仔有印仲慘，洗左唔少錢係臉上

冇呀，嘴唇上下左右，同埋下巴Ｕ位成日爆囉，之前就係紅腫瘡，近來就成日好細粒有膿頭既瘡．．．

暗瘡上面有講
印要睇紅印定黑印
紅印要消炎，醫生通常開杜鵑花酸
黑印要美白，通常建議搽維他命c同e
前者我用過the ordinary因為成分比較單一
後者我用過樂敦cc
紅印黑印都好一定係好耐先好返
起碼一年至一年半
有搽藥都係要一年
一定要俾耐性
當然有d人新陳代謝快，好快好返。
最後有印既話一定要搽防曬
唔理陰天晴天室外室內，一定要搽。

唔好亂用酸 驚你越用越傷尤其是有傷口
未熟都千奇唔好吱一定留印
定期要去角質
用peeling gel又好 或者toner倒落綿花抹下都好
保濕一定要做足
老土啲講句飲多啲水同保持心境開朗