前元朗神召會錦光堂 hardcore 信徒，呢間教會真係好 L 走火入魔

［代 po］

好多人口中極深藍嘅神召會元朗錦光堂，我之前番過好耐，以下係我嘅嘅經歷同見聞，大家自行斟酌。

我一次係跟初中朋友番，果果朋友都冇番好耐。番咗冇幾耐，啲人就叫我去「街佈」。姐係係街上面搵人去聚會，派傳單。係我 regularly 帶到幾個人番嘅時候，果時嘅組長就同我講，要我「立志做領袖」。姐係自己拆組，但前提係我要有足夠嘅人 regular 咁跟我番。無幾耐，我覺得「街佈」，帶人番變咗我嘅責任，就算幾唔想，食檸檬好沮喪都好。後來「街佈成績唔理想」仲會比人話，加上佢地灌輸啲：你帶唔到人番就係對唔住神嘅觀念，當時我成日都因為咁而自責。

聚會數字嘅壓力，隨住我留嘅時間愈長而愈大。「搵人番教會」變成初中嘅我嘅主要任務，而唔係讀書，識朋友，而呢啲組長亦什少關心。由一開始只係應邀幫手，搵到就搵，到後來變成每個禮拜都有目標，要追數，要覆數。講緊嘅覆數係每星期有個特定時間要打比組長同佢匯報約人情況，約到幾多，未 firm 有幾多，因為佢地要同上頭覆數。如果覆遲咗會比人鬧，因為佢地都會比人鬧。數字唔理想又會比人鬧，比人放飛機又比人鬧，但佢地好少會理，你比人放飛機你會唔開心，係佢地眼中就只有一盤數。數字唔理想嘅星期，連自己番聚會都好有罪惡感。因為佢地講到你果果星期約唔夠人，就係對唔住神咁。連本身係好開心問人想唔想決志，都變成一項任務。果時我為咗湊夠數，就算驚因為傳福音比人討厭，比人杯，都會問學校同學。仲因為係學校傳福音比訓導主任召見。而呢啲壓力，佢地從來冇過問，什麼會用「係為主嘅犧牲亅合理化對細路嘅逼迫。我記得有一次喊住差唔多求我同學番咁濟，但佢都係拒絕咗。其實我好唔想逼同學番，但如果條數唔靚，我會比人鬧，同埋我真係信，咁樣係對唔住愛我嘅上帝。

我諗我決定離開嘅時候，係被逼傳福音由一開始淨係組聚， 聚會後 gathering 會比壓力你，到之後因為學生區真係愈嚟愈少人，連崇拜讀經啲經文都比佢地用嚟 pressure 會眾要傳福音，我就覺得真係冇再番嘅必要，CLS。

被逼傳「福音亅只係其中一樣令我壓力面臨崩潰嘅原來，另外係佢地幾乎強制性咁要求你出席所有聚會。包括每個星期嘅崇拜，主日晨禱，家禱，組禱，組聚，區聚，區禱。最好日日番去晨禱先番學，放咗學就去街佈，街佈完就打電話約人，咁就係好「愛主」。佢地唔會理中學係大腦發展同吸收知識重要階段，唔會理你夠唔夠訓，有冇精神上堂，如果你同佢講咁早番晨禱再番學會累，佢會答你祈禱就會有力量，然後你會質疑咁我累係咪姐係我祈得唔好？定係我同神關係有問題？佢地唔會過問你學術發展，人際關係如何，again，係佢地眼裡面，最重要嘅都係聚會數字。

另外一樣變態嘅野係，如果你祈禱流淚又帶唔到人番教會，佢地會質疑你祈禱質素，批評你係「流於情緒亅。仲有，成班人圍埋祈禱嘅時候個領袖會望住你睇下你有冇呼求有冇舉手，感覺同集中營差唔多。

我記得有一次家 camp，咁多個領袖圍爐，唔係，圍圈，批鬥，唔係，檢討，有個領袖弱弱地提出：覺得宜家營運模式好似公司，家牧好理直氣壯咁話：有咩問題？我唔覺得似公司有咩問題
其實個領袖講嘅係追數文化，刻板，冇人情味，冇愛嘅氛圍。但顯然地，個家牧完全唔知自己帶緊班人做緊咩，我諗佢果時係堅信自己幫手「建立緊神嘅國」。然後有個領袖全程咁直視住我嘅方向，後來先知佢 bei 住我係因為我全程冇出聲。當時我咩 title 都冇，只係好似 trainee 咁旁聽，心諗：唔敢出聲會唔會情有可原？以小見人，可見佢地嘅文化有幾 tolerant : )

係神召會錦光堂嘅咁多年，我見住學生區由盛轉衰，啲領袖一個走完到一個，但佢地依然唔覺自己行事作風有問題。而我係過程中，靈命就嚟比佢地摧毀到奄奄一息，經常諗點解人地信耶穌得釋放，我信到咁抑鬱？屬地嘅生活就更加唔洗講，浪費咗我本應放係其他地方發展嘅時間。但劉牧師就撈到風山水起，又有光環，又有人脈，有錢送一仔一女去美國讀書。回應佢話搞唔掂自己生命點叫人信耶穌嘅言論，我覺得佢地都係未迷途知返，淨係識得批評，什少正面地建造信徒生命，淨係識得叫人信耶穌，dllm 比你帶到人番嚟你比個咩 version 嘅耶穌人睇？我唔知錦光堂入面有幾多警察，有幾多係黑，但我仲係果度嘅時候，有個飛虎隊嘅係區長，好似係 Yoho 買咗樓結咗婚，我希望佢知道自己做緊既野係咪神喜悅。

之後我同朋友轉番另一間教會，成個氣氛完全唔同。人地真係關心年青人，牧者真係會付出時間同你傾你嘅問題，什至出錢支援你。果時我先感受到咩係神嘅愛，同咩叫愛係犧牲。雖然果度都有所謂嘅領袖，但完全冇聚會壓力，亦冇咁強嘅階級觀念，用天堂同地獄嚟形容冇誇張到。宜家諗番轉頭，我覺得錦光堂嘅人其實唔知愛係咩，但就成日掛係嘴邊作招徠。

所以，就算唔係顏色問題，我都會話，教會有好多間，信徒有好多種，我唔想有人再受害。

PUSH

push

同樂富果間永光堂一樣 成撚日要報數 唔夠人就屌到你仆街 星期日完左崇拜就集會再俾班導師批鬥 真係慘過返工跑數

返過一次都feel 到有啲唔對路，諗諗下第二次冇再去，帶我嗰條友係咪已經俾人屌到仆街

睇晒成篇真係好有感受
翻教會翻到咁自卑 做咩都有嘢俾佢哋話
我都好希望努力愛耶穌但啲領袖唔好話唔番晨禱就唔愛主啦
利申：小六開始翻 已離開

最後因咩事走咗/走到？