之前走個時有2條線，左邊直行，右邊轉右。
之後我個時睇錯燈，直行個條綠燈，小弟我係右邊線以為可以行，點知同前車距離好近，比左少少油落去，就咁撞左。
就住就報左警，無去醫院，2個人都無事。但係我哋都有同啊SIR講私了，所以無落口供，只係報定案。
首先佢部車應該係FT86 yellow limited版16年岀廠2019年2月係香港落地，之後就當然2邊都搵車房問價，佢就說去toyota原廠問同埋佢自己整開嘅車房，咁我都問左幾個朋友，有啲做車房嘅都話，如果換晒啲嘢應該係10000左右ok仲要係日本toyota原廠訂反嚟。
跟住佢就說toyota原廠就47000左右，佢自己車房就32000左右，佢話我比30000就ok
要整嘅嘢只有尾bumper，防撞鐵同尾擾流(唔知係咪咁寫)
咁我都問咗我個車房朋友就話，呢啲野加埋都係10000左右，仲要係日本個邊訂返全新返黎加安裝費。
咁我就同司機講去我嘅車房整啦，我朋友識得日本人訂零件平啲啊，而且我可以比返張單你睇。佢就死都話唔想，始終都係自己相熟車房好啲，之後我話我凈係訂件，你車房安裝，佢就話咁麻煩，直接搞保險啦。
問題就係小弟首先係P牌上網睇過普通交通意外要加六個月P牌或者釘牌重考，再加上我部車係我屋企人，而且我屋企人今年已經撞左獲大嘅保險公司已經賠左40萬，而家我呢單如果要用到保險，保底費都要35k，再加上我10月中就要去澳洲半工半讀(買左機票)
所以希望私了解決，但係問題我好多朋友都話我俾人撳住拎，唔抵比。而且我話咁換咗嗰啲舊零件可唔可以俾返我，跟住佢又話咁麻煩不如搞保險啦，因為佢知道我搞保險會好麻煩。
而家個司機話23號前保險公司就無得搞，26號前就警察無得搞，所以要我23號前比2萬5簽紙作實(另外5千下個月還)
小弟本人無乜錢，去澳洲都係讀啲平學校，自己供自己讀，家境無條件，所以希望大家有咩方法可以比返應該比個份
日文字個張佢比我睇，應該就係佢部車
第二張應該係香港上會買嘅價
