［核彈］新疆校長即將被處決 聲援新疆係新戰線

維吾爾校長處決在即 中大生聲援
https://lih.kg/1581115
- 分享自 LIHKG 討論區


呢個post想討論：
1）點解係核彈
2）點解要聲援
3）要點樣聲援

怕太長，有人會tldr，盡量長話短說，最底有懶人包。

1）點解係核彈

任何一個社會，都應該要重視學術研究同學者，無論邊一個國家都唔可能否定呢一點，包括中共。就連中國學者都會承認文革時期殺害大量知識分子係一種損失同錯誤。而家中共處決一個學者、一個校長，呢種行為正正就係重覆緊文革嘅行為，分別只係在於前者由平民做，後者由政權做。

中共呢種行為根本係敵視學術界。學術最基本嘅態度就係求真，求真嘅過程中一定會有好多唔同意見立場，透過辯證去尋求答案，中共用一個「分裂國家罪」嘅藉口想要處決一個學者，就係開張名義話俾你聽：中國嘅學術唔係為咗求真，而係鞏固政權。任何反對立場都不被允許，講唔贏你就殺咗你。呢種態度同行為根本係對學術界嘅唔尊重同敵視學者。

呢單嘢之所以係核彈，因為背後牽涉新疆人權問題、疆獨、藏獨、學術自由、今日新疆明日香港等等，雖然呢啲唔係香港戰線，但如果呢單嘢connect到全球學術界，支爆係指日可待。




2）點解要聲援

個人覺得聲援新疆係借力打力，國際輿論對我地成功與否有一定影響，我地成日叫stand with Hong Kong，但好多外國人都唔知要點做，而新疆單嘢正正就係佢地發揮嘅時候。我地提高新疆問題曝光度，雖然唔太關香港事，但呢啲係人權道德問題，作為有良知嘅人，見到呢啲事，我地需要出聲，一嚟拎到道德光環；二嚟話俾國際聽香港人係關心其他地區自由民主人權等等問題嘅世界公民，唔只係為咗香港利益，仲可以令中共變成道德罪人（雖然佢地冇道德可言）。

另外，令外界明白真係邪惡嘅係中共。記唔記得之前林鄭講撒回，好多外國新聞都祝賀香港，話香港贏咗，佢地未完全明白我地嘅敵人係中共，呢啲人權問題就係中共邪惡管治之下衍生嘅問題，新疆、香港只係其中例子，當然新疆問題比香港更加嚴重，一日有中共，一日都唔會有真正嘅人權同自由。

與其打硬仗，不如不廢一兵一卒就令敵人瓦解。「岳」將軍捨我其誰深入敵陣救出3個+兩部lift嘅手足，呢啲犧牲自己嘅情景我地睇到會覺得佢係英雄，但一個戰士俾人拉咗就係俾人拉咗，少一個就少一個，如果有方法可以直接針對中共政權嘅，風險又低嘅，點解我地唔做？



3）要點樣聲援

呢一點比較尷尬，如果呢位校長處決在即，我地一分一秒都唔可以浪費。傳言話929全球反共大遊行，但有冇人申請緊我唔知，但呢一日絕對係煲大呢件事嘅時機。

但有少少問題，928係雨革5年，焦點會去咗928，變相929文宣未必夠力，所以一定要加大力度煲。Hashtag、Twitter、中英文宣圖、airdrop，所有嘢都要拎哂出嚟。



懶人包：

中共仇視學術界，學術不為求真，只為政權服務，殺害學者重蹈文革覆轍。

聲援新疆出於良知，盡世界公民嘅義務，中共係萬惡之源，赤納粹立，則人權亡。

保護前線、年輕人，傷亡最少化、攻力最大化。

928雨革五年，929全球反共，929唔夠力煲會浪費咗呢粒核彈，而家唔可以掉以輕心。



最後想同大家打打氣，呢場仗我地打咗3個月，前一晚打完第二日仲要返工返學，香港人真係痴撚線，但而家我地唔可以放鬆，對家係咗拖，就係想拖到熱潮減退，如果我地放鬆咗，就係俾對方有喘息空間，我地一定要咬住佢，直到黎明來到嘅一日。

光復香港！

自推十連

2/10 推呀推

3/10 有冇人討論下

呢單嘢典解咁少人理 4/10

5/10 推呀

我推

連登仔咁早訓？6/10

928
929

7/10

推咗先講

928雨革五年
929全球反共

8/10

9/10 打咗好耐 唔想沉底呀

推
721 831 新屋嶺

p牌推唔到

10/10 最後一推啦 連登仔接力

11/10

其實想開放討論 事關我諗唔到仲有咩文宣可以加大力度咁仗

支持
要connect極權下既受害人
仲有西藏 之前佢地都有聲援我地

推

Tsui

我再推

推

Push