我8月中都去咗金螞蟻呀!
入面D結他多到,同老婆去,我都掛住攪D二奶而冷落老婆。
另外,入面嘅見聞都值得一講:
1. 台灣樂器店嘅入貨質素及種類,真係比香港好好多。同事頭婆吹水,佢問:「你們香港Tom lee 的吉他不是都很齊全嗎?」我只有回答一句:「徒有虛名。」
2. 台灣樂器店服務態度真係好到無人有!我入到金螞蟻,基於尊重,我先向事頭婆表明來意:「我乃觀光客,到來是為參觀,請問能否拍照和試結他?」事頭婆明知我係嚟混吉,非但無拒絕,結他仲任我玩任我試、更會行開由我自己玩(我拎上手支支貴野)。
比著係Tom Lee?貴野例牌鎖頸唔比你隨意拎上手試,就算比你拎到上手,試五分鐘班sales 即刻變身實Q企喺你後面眼超超。
3. 到臨近離開時,事頭婆知我來自香港,就話:「我在新聞有看到香港的情況。你們香港人要加油哦!支持你們!」聽罷,百般滋味在心頭。
結語:無論係貨物質素、種類多樣、服務態度、至乎人性,台灣樂器店都令我難忘。日後有機會搵到錢,有能力買支精品嘅話,必來台灣!