【拋磚引玉】究竟點救近日「自殺」嘅人？

依幾星期以黎都好多「不尋常」嘅屍體發現案，而黑警對外回應十不離十都話係
「自殺案，無可疑」
連登籠罩住好多「被自殺」風氣嘅文，我地究竟有咩可以做到呢？

首先就係要
唔介意用多啲時間，每人都行多一步先

好多人都淨係留言推、屌黑警hea做，
屌係要屌，但行動都要做，
希望藉此post拋磚引玉。（我亦知有部份手足有做相關整合，亦希望你地可以分享下進度）

有鑑於此，我琴晚就行多步去search，睇下香港處理屍體發現案嘅程序。
詳情可睇下post：
【有冇機會開新戰線？】處理屍體發現案嘅程序
https://lihkg.com/thread/1575162/page/8

簡單總結

1）理論上要涉及唔同程序搜查，先可以話案件冇可疑

例如係表面嘅證據：
死者有冇遺書／自殘傷痕／有自殺傾向／情緒病...etc
亦應該要翻查閉路電視肯定死者係咪一個人上樓
同埋親友、目擊證人嘅口供

有手足亦喺上面嘅post講調查屍體發現案嘅程序：
警方會作出合理假設，家屬又接受就會當意外處理
例如現場跡像似係晾緊衫 又未晾完，就推斷係做緊家務時意外墜樓
家屬接受就ok

換言之，popo歸得檔，對外公佈係咪自殺案、有冇可疑，應要按上述嘅證據去判斷。


2）假如家屬、親友唔同意係自殺或者懷疑死因

假如家屬唔接受警方推斷，可以將死者屍體交去公共殮房法醫嗰度驗屍。
在此引用Morningstar巴打嘅留言：
所有唔係醫院死既都要解剖，不過法醫最多說明死因，唔會話係自殺，他殺。

例如：跳樓
可能初步驗屍發現全身骨折，
死因會寫：全身骨折導致體內大量出血 (狗睇到同環境證供吻合就當自殺結案)
如果完全驗完血，發現血入面有大量藥物足以令到死者失去活動能力，咁死因仍然會寫返上面 (狗睇到唔吻合就會當謀殺)

3）咁驗完屍之後呢？

Morningstar巴打補充
如果家屬唔滿意狗既調查報告係可以上死因庭，
由個死因裁判官（有機會喺陪審團協助下）判斷死因。

裁判官會引導陪審員各種可選擇的裁決。死因裁判法庭的權限只在於決定死者的死因，如死者是何時於何處以何種方式死亡，而與決定死因無關的內容，例如：嫌兇的行兇動機、法律責任與醫療失誤等，都不包括在死因裁判法庭的結論當中。（維基－死因裁判法庭）


小結
而家浮出嘅所有「無可疑自殺案」，其實都需要再作跟進、等驗屍報告出咗先可以判斷真正死因。
但若果家屬收到report後唔追究，就好大可能會以「自殺案」作結。

講咁大堆之後，都未講點救人喎，
作為一般小市民嘅我地究竟可以點救人呢，其實我都唔知，但有幾點我覺得可以考慮去做嘅。

1）歸納所有「懸案」
香港一向都係自殺之都，自殺案嘅發生頻率以日嚟計，
咁多日入面，應該係有單純厭世自殺嘅案件（RIP）
所以希望有資料嘅手足可以拎出嚟（下面都會補充我見到嘅）
根據可疑嘅程度排序，睇下有邊啲案要百分百關注，
再用方法整合重點。

2）手足組織民間自發監察
案發後幾個鐘頭：有冇親友認屍？屍體發現嘅幾日內：有冇親友路祭？
屍體去咗邊個殮房、會唔會有法醫可以爆料等等
都應該要有人留意。

而死者及直系親屬嘅背景資料（黃仔vs藍底冷血父母....）
親屬會唔會喺海外長居、死者是否獨居等等...
都好影響案件會唔會上死因庭去判。
如果驗屍後唔上訴，極大可能係就咁火化/埋葬處理。

3）鼓勵近日「自殺」嘅親屬出嚟澄清
一句講晒，得佢地先可以釋除公眾部份嘅疑慮。
如果有手足自組偵探團隊，或者傳媒朋友，自發揾到死者親屬，
再將進度／情況轉達比可信任嘅組織、如民間記者會、新聞等就最好不過。

大概係咁，諗到再作補充。

推到有家屬去驗屍

４）向熟悉嘅人講不自殺聲明
除咗不自殺聲明外，亦可強調假如自己意外出事，
親友有可疑嘅話，應要求死因裁判官判案。

香港的驗屍官 （維基 ）
主要任務，是調查下列死亡的原因和有關情況：

(a) 原因不明的死亡；
(b) 意外致死的死亡；
(c) 有可疑之處的死亡；或
(d) 為公眾利益必須調查的死亡
而調查的目的是為求：

(a) 有關人等可確知死亡真相；
(b) 建議如何防止同類死亡事件再次發生；
(c) 清白的人可洗脫嫌疑；
(d) 及早認識可危害生命的新事物；
(e) 促使當局注意由可預防疾病引致的死亡以及藥物的誤用；
(f) 阻嚇可能處事輕率的人士；及
(g) 揭發其他方面查不到的罪行。




另外，我冇任何法律或相關嘅底子基礎，有錯有漏歡迎補充

有野想捐可以FB/TG搵我地香港自由之書阿

想支持某間發國難財的五金鋪,但又唔方便親自落去買水買衫? 入黎喇
https://lihkg.com/thread/1573714/page/1

【眾籌】 已集合超過1000名巴絲感想 香港編年史
https://lihkg.com/thread/1379634/page/1

FB: 國難五金, 香港自由之書

上面應該係 親友有懷疑嘅話
但如果親友有可疑都要查嘅
繼續補充：

在處理非自然死亡或屍體發現案方面，警方會因應個別個案不同的情況有著不同的責任及採取不同的行動。一般而言，軍裝警務人員在屍體被發現的現場的基本行動包括：

＊檢查有否生命跡象；
＊留在現場與總區指揮及控制中心保持聯絡，如懷疑有關人士可能生存，則立刻要求救護車到場搶救傷者，如懷疑有罪案發生，則要求刑事單位人員到場調查；
＊找尋証人及記錄他們的資料；
＊仔細觀察現場環境，查看是否有可疑之處，並把觀察所得記錄於記錄冊內；
＊確定死者身分，並安排通知家屬；
＊當所有警方行動經已完成，召喚食物環境衛生署屍體處理組到場檢拾及運送屍體；
＊護送屍體往公眾殮房；以及
＊搜查屍體，並將屍體及死者財物記錄下來。

根據《警隊程序手冊》的指示，警方如接獲「有人從高處墮下／跳下」的報告，最先抵達現場的警務人員應仔細觀察現場環境，查看是否有可疑。
除非有明顯的證據，否則不應隨便將案件列為自殺案處理，並把屍體移走。
此外，警務人員亦須考慮現場血液及體液會否對其本人及他人構成危險。其他潛在的危險，例如附近有重形機器、路面或路軌上的交通情況等也應在考慮之列。
除非所有警方行動經已完成及確定情況安全，否則不會召喚屍體處理組到場檢拾屍體，以避免躭誤食環署人員在現場久候。
警方處理屍體所需的時間視乎現場調查工作的複雜程度而定，不能一概而論。
而在一般情況下，食環署由接獲警方通知至完成移離屍體大概一小時。

立法會二題：處理非自然死亡個案或屍體發現案 （2002年6月26日）
https://www.info.gov.hk/gia/general/200206/26/0626260.htm

工作流程表：

延伸閱讀：

被自殺證據確鑿 有人已經幫我地fact check咗
https://lih.kg/1575614

（整合）近期自殺名單
https://lih.kg/1574439

[整合] 9月未破案，懷疑被自殺案件，求大家推到識事主既人入
https://lih.kg/1574010

被自殺推上國際，可使美國推比「民主人權法案」更強硬制裁
https://lih.kg/ebHrFS

其他我覺得值得睇嘅post：

Fact Check模式統一化提案
https://lih.kg/1576054

點解有啲人屌極都唔醒? 媽，好多負能量呀!!
https://lih.kg/1554374

黃大仙自殺案目擊者： 冇血跡 東方極速到 20鐘後黑箱車已搬走遺體
https://lih.kg/1575812

【極重要】（被？）自殺的失蹤人士
https://lih.kg/1576845
- 分享自 LIHKG 討論區