我係一個急症室醫生。
各位發左咁耐夢，唔多唔少都可能吸入過d不明氣體或者比狗咬到。點樣係冇被捕既情況下，去睇醫生而又保護自己不被篤灰，我係之前個post有講過下，大家可以去下面個post度重溫下。
今次我想講既，係聽講有手足被捕而又送到醫院之後，popo阻止醫生、護士通知家人。而事實上，真係有呢d事發生。Popo當然又會吹到妨礙司法公正咁樣黎兇我地醫護同事咁la。係呢個情況，大家可以點做呢？
老實講，佢地阻止我地打比家人，係應該佢地提出法律理據。不過，大家都知毅進仔冇乜讀書，佢地講法律都晒氣。既然佢吹到要我地提出理據去打比家人，咁我就幫幫大家點樣facilitate到呢個理據出黎。法律野我地可能比你班popo兇到，但醫學野，我地主場，你班popo識條春咩？醫護做野，唔使你教。
好。個玩法就係：
大家登記睇醫生之後，會去分流站，分流站姑娘會問下大家有冇咩病歷、敏感個d。大家發左咁耐夢，又比狗咬，記憶力唔多好既話唔使怕醜ga。直接同姑娘講你唔記得自己有咩病歷、有咩敏感，話要問下屋企人。（當然，如果你真係對一隻藥敏感，一定一定要講，否則開左比你就大鑊。你咪咁講lor：我對xxxxx敏感，但唔記得仲有冇其他，屋企人先知）
咁到你既case去到d醒水既醫生同事手上，我地就會識問下你家人ga la。無lala搵你家人，d狗就兇我妨礙司法公正ar ma，咁我家下有晒醫學上既理據去問家人la，病人因為敏感出咩事（嚴重敏感反應死得人的），你班毅進仔揹唔揹得起？你地揹得起我地醫護都揹唔起，所以同事們，有咩唔清楚記得問一問病人既家人ar。同埋記得document清楚點解要搵家人，戴好頭盔，我地既medical record有法律效力既，有咩就上庭拗lor，你估個官係醫學問題上會信醫護定你班毅進仔lor
仲有，各位手足，如果你比狗咬到頭暈既話，唔好怕醜唔話我地知ar。醫生同姑娘會盡力照顧好病人ga，好暈既話可能有張床比你抖下，總之有唔舒服就唔好怕醜，直接同醫生同姑娘講。
最後最後
願權力歸人民
願榮光歸香港
光復香港
時代革命
有緣既話，戰場見
我係急症室醫生，麻煩大家睇一睇，保護自己
https://lih.kg/1217490
- 分享自 LIHKG 討論區
