知唔知點解香港人會有所顧慮，處處綁手綁腳，好多嘢唔敢做? 係因為要諗埋將來阿。 入咗冊、留咗案底，係香港嚟講已經輸咗一半。搵工難，家庭破裂，將來亦好難有好生活/向上爬嘅機會。所以有好大部分人只會出嚟行下叫口號，玩下twitter 洗下版，做和理非。
如果佢地知道唔好彩出咗事，將來嘅生活都有保障，係咪會令香港人更加放心同放膽去做?
因應今次運動而被捕 / 被炒嘅心持續上升緊，612 or 星火 or 其他基金將會對於打官司會有相應嘅支援，雖然我覺得唔係非常有力嘅支援。 但係仲有一班人告唔入，或者因為敢言/被篤灰而失去工作影響生計嘅人，佢地都因為運動影響咗自己生活。所以我建議成立以下兩個基金/平台:
1. 良心僱主 + 真香港人平台
主力幫助香港人做搵工配對，尤其是因為運動而被捕然後出獄，因為敢言發聲而被炒嘅人。等佢地之後可以繼續維持生計，唔洗因為未來而感到無助同擔憂。
2. 義士生活支援基金
最主要對象都係各被捕、被施以酷刑、811、831、岳義士等等，不能盡錄。 鑑於以上人士有可能短期 / 長期無法工作，受傷以至影響工作能力，或者各項日常開支/住宿問題，需要不同程度嘅幫忙。 基金應該對各受傷受影響人士發放一次性 / 持續發放生活支援，幫助各香港人渡過難關。
香港人最多和理非，唔能夠付出自己嘅全部，最多就只係錢，咁就唔該你地係呢方面盡最大努力，幫助前線人員。
